Ярышланы алдынлысы
Районну айтылгъан спортчусу, Гьели юртдагъы ДЮСШ-ни дзюдодан тренери Магьамматдагьир Гьюсейнов оьтген март айны ичинде 3 уллу ярышларда ортакъчылыкъ этген ва шоланы уьчюсюнден де ол алдынлы ерлени къазанма бажаргъан.
Масала, 20-нчы мартда Санкт-Петербургда грепплингден оьтгерилген бютюнроссия ярышда 92 кило авурлукъда ортакъчылыкъ этип, бизин кочабыбыз 1-нчи ерни, 21-нчи мартда спортну «Джиу-джитсу» къайдасындан юрюлген бютюнроссия ярышда да ортакъчылыкъ этип, Магьамматдагьир Гьюсейнов 2-нчи ерге ес бола. Март айны 30-нда Магьамматдагьир Пятигорск шагьарда грепплингден ва Джиу-джитсудан юрюлген халкъара ярышларда да ортакъчылыкъ этмеге заман таба. Шо ярышда Магьамматдагьир оьзюню авурлугъундагъы кочаплар булан гюч сынагъан ва 2-нчи ерни къазанмагъа бажаргъан. Бир айны ичинде 3 ярышда ортакъчылыкъ этип, алдынлы ерлеге ес болгъан гьелили кочабыбызны спорт уьстюнлюклери булан биз де къутлайбыз.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
