Субботниклер оьтгерилди
Къарабудагъгент районну башчысы Магьмут Амиралиевни «апрель айны 1-нден 30-у болгъунча районну юртларында субботниклер оьтгермек» деген буйругъун яшавгъа чыгъара туруп, районну юртларында гьар сонгугюн субботниклер юрюлюп тура.
Шолай, апрель айны 24-нде башгъа ерлерде йимик, Къарабудагъгент районну идараларында, иш коллективлеринде субботниклер оьтгерилди, орамланы, жамият кёп болагъан ерлени тазалыгъы болдурулду.
Къарабудагъгент район больницаны майданында ДР-ни Халкъ Жыйынына алданокъ сайлавлагъа кандидатлар: район депутатланы Жыйыныны председатели Адил Салаватовну ва Къарабудагъгент ЦРБ-ни баш врачы Расул Гьиравовну ортакъчылыгъы булан субботник оьтгерилди.
Шо гюн, демек, апрель айны 24-нде субботникде «Къарабудагъгент юрт», муниципал къурулувну къуллукъчулары «Шавденек» микрорайонда яшайгъанлар булан бирче «Шавденек» кёлдеги артыкъ сув эки якъгъа яйылмай тёгюлюп гетер йимик, 500 мм диаметры булангъы быргъы салды. Шо ишде олагъа юртлу Гьубайдулла Хожаев хас техника булан кёмек этип, юртлуланы баракалласын алды.
Гезикли субботникде «Волшебник» деген МБДОУ-ну коллективи де ортакъчылыкъ этди. Олар яшлар бавуну гиччипавлары ойнайгъан майданчаны бек арив безеп онгарды. Олай да, Манасгент юрт администрацияны коллективи ЦТКНР-ни ва юрт китапхананы коллективи булан субботникде юртну ичин, иш ерлерин тазалады, тереклеге киреч чапды.
«Къарабудагъгент район» муниципал районну депутатларыны Жыйыныны председатели Адил Салаватов субботникде актив кюйде ортакъчылыкъ этген ЦРБ-ни коллективине ва районну бары да идараларыны иш коллективлерине районда тазалыкъ болдурувгъа тюзевлю янашагъаны саялы баракалла билдире туруп, къалгъан ерлерде де тазалыкъ болдурувгъа юртланы жамиятларын ортакъчылыкъ этме чакъыра.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
