Меню
16+

Сетевое издание «Будни района»

30.04.2021 09:58 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

М. Амиралиев: “С.Меликов аслу масъалаланы тез ва тюзевлю чече”

Апрель айны 28-нде Дагъыстан республиканы заманлыкъгъа борч­ларын кютеген Сергей Меликовну РГВК «Дагъыстан» деген телеканалда юрютген «тувра берилишде» республиканы ватандашлары Дагъыстаны гьакимбашыны алдында агьамиятлы, актуал масъалаланы гётерди. Оьзюню сёйлевюнде регионну гьакимбашы ватандашлар гётереген кёп тюрлю масъалалагъа мукъаятлы, мекенли жаваплар берди.

Эсгерме тарыкъ: ватандашланы социал якъдан якълав, оланы яшав шартларын яхшылашдырыв, ЖКХ-ны масъалалары, нас-алагъожаны чыгъарыв, школа чагъына етишмеген яшлар сакъланагъан, яшлагъа билим берив объектлени къурув, ватандашланы медицина къуллукъларын сан янлы кютюв, сакъатлагъа дарманланы гёрсетив, гьар тюрлю категориялы ватандашланы, шону ичинде дав агьвалатланы ветеранларын яшавлукъ уьйлер булан таъмин этив, ёл сетлени гьалы, муниципалитетлерде ичеген сувну ­масъаласы – Дагъыстан республиканы заманлыкъгъа борчларын кютеген С.Меликовну алдында гётереген масъалаланы бир гесеги.

Республиканы башчысы булан янаша ватандашлар гётереген масъалалагъа министерлени кабинетини уьюрлери де жавап бердилер. Айтагъаным, тувра берилишде Сергей Алимович соравланы тувра жавап берме тарыкълы ведомствону башчысына бакъдырды. Шоллукъда, Сергей Алимович гьар гётерилеген масъалагъа профессионал, бажарывлу кюйде янашып сёйледи.

Къошаман, бизин Къарабудагъгент районну териториясында шо масъалалар тайышывсуз кюйде гьар гюнлер чечиле. Демек, бизин район ватандашланы яшав даражасын яхшылашдырмакъ, социал ва оьзге тюрлю масъалаланы чечмек учун гьар тюрлю проектлерде, программаларда актив кюйде ортакъчы­лыкъ эте.

Районну башчысы М.Амиралиев ДР-ни заманлыкъгъа борчларын кютеген С.Меликовну тувра эфирдеги берилишине баянлыкълар бере туруп:

- Сергей Меликовну халкъ булан тувра къатнаву бизин гьакимлерибиз халкъ булан къатнашма, олар гётереген масъалаланы ёрукълу ёлда, ачыкъ кюйде чечме гьазир экени бирдагъы керен исбат эте,-деди.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

1