Эсделикни вахтасы
Апрель айны 22-нде Къарабудагъгент юртда район администрацияны социал сиясат управлениесини сиптечилиги булан бирликде Уьстюнлюкню 76-нчы йыллыгъына багъышланып, У.Буйнакскийни аты къоюлгъан бавдагъы давну ортакъчыларына салынгъан эсделикни алдында «Вахта памяти» деген патриот акция оьтгерилди.
Оьтгерилген акцияда районну социал сиясат бёлюгюню ёлбашчысы Гюлжанат Темирова, районну тамазаларыны советини председатели Абдулгьамит Мамагишиев, маданият ва социал къурумланы къуллукъчулары школаланы охувчулары ортакъчылыкъ этдилер.
Акцияны ортакъчылары Уллу Ватан давда оьлгенлени эсделигине гюл байламлар салдылар.
Чарада сёйлеген районну социал сиясат управлениесини ёлбашчысы Гюлжанат Темирова:
-Бугюн биз Уллу Ватан давну Уьстюнлюгюню 76-нчы йыллыгъына багъышлап «Вахта памяти» деген акцияны оьтгеребиз. Бу акция гьар йыл Къарабудагъгент юртда У.Буйнакскийни аты къоюлгъан паркны ичиндеги солдатланы эсделигини алдында оьтгериле.
Акциягъа багъышлангъан чараланы биз ноябр ай болгъунча узатажакъбыз,- деди.
Олай да, Къарабудагъгент 1,2 номерли орта школаланы охувчу яшлары Милана Къапланова, Марьям Жалилова ва Гёзел Гьайдарова Уллу Ватан давгъа багъышлангъан шиърулар охудулар.
Район китапхананы къуллукъчулары «Славному подвигу нет забвенья» деген Уллу Ватан давну йылларына багъышлангъан китапланы ва суратланы выставкасын оьтгерди.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
