Язбашны яхшылыкъ жумасы
ДР-ни гьукумат программасын яшавгъа чыгъара туруп, апрель айны 17-нден апрель айны 24-ю болгъунча «Гележегибизни биз бирче къурабыз» деген умуми девизни тюбюнде «Язбашны яхшылыкъ жумасы» деген Республика акция оьтгериле.
Шо акциягъа байлавлу апрель айны 21-нде Гьасан Абдуллаевни атындагъы Къарабудагъгент 1 номерли орта школаны охувчулары С.Абусуевни аты къоюлгъан район больницагъа барып, пандемияны вакътисинде къызыл зонада ишлегенлеге баракалла билдирген. Охувчуланы бу сапарында къатынланы Союзуну Председатели Г.Темирова, яшёрюмлени сиясатыны ва маданият бёлюкню начальниги Н.Мурзаева да ортакъчылыкъ этген.
Медицина къуллукъчулар булангъы ёлугъувда Г.Темирова районну башчысы М.Амиралиевни атындан къызыл зонада ишлегенлеге, олай да больницаны бары да медицина къуллукъчуларына ватандашланы савлугъуну гьайын этегени саялы разилик билдирген.
Медицина къуллукъчулар да оьз гезигинде охувчулагъа-волонтёрлагъа яхшылыкълар, охувда уьстюнлюклер ёрагъан.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
