Меню
16+

Сетевое издание "Району яшаву"  «Будни района»

23.04.2021 09:44 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Президентни Чакъырыву...

Апрель айны 21-нде Россияны Президенти Владимир Путин Россия Федерацияны Федерал Жыйынына 17-нчи керен гезикли Чакъырыв этди.

Адатлангъан кюйде, чарада Совет Федерацияны сенаторлары, Пачалыкъ Думаны депутатлары, жамият чалышывчулар, пачалыкъ гьакимлигини вакиллери ортакъчылыкъ этди.

Оьзюню сёйлевюню башында В.Путин гетген йылдан берли дюньяны елеген коронавирус пандемиягъа къаршы иш юрютген бары да россиялылагъа разилигин айтып, баракалла билдирди.

Гертиден де, оьтген йыл коронавирус инфекциягъа къаршы бары да структураларда кёп иш этилди. Шолай бизин районда да, бары да район идараларда, къурумларда бирче жаваплы ва намуслу кюйде сан янлы иш юрюлдю.

Коронавирус инфекциягъа къаршы ишде аслу ерни вакцин этив тута. Шо иш уьстюнлю кюйде Россияны бары да регионларында юрюлюп тура.

Бизин район вакцин этивде алдынлы ерлени биринде токътагъанын айрыча эсгермеге сюемен.

Бугюнге ерли 1700 районлу коронавирусгъа къаршы вакцин этдирген.

Президент В.Путинни халкъгъа разилигин мен толу кюйде якълайман. Неге десегиз, россиялы медиклер ва алимлер аз заманны ичинде коронавирус инфекциягъа къаршы уьч тюрлю вакцин гьазир этди. Пандемиягъа къаршы ябушувгъа оьзбашына, кёп сююп яшёрюмлер, волонтёрлар, ерли предпринимателлер актив кюйде къуршалды.

Олар оьзлер яшайгъан ерлеринде чарасыз, етишип болмайгъан агьлюлеге, сакъатлагъа, янгыз яшайгъан къартлагъа, авруйгъанлагъа дарманлар, ашамлыкъ продукталар булан кёмеклешди. Шо авур заманларда олагъа оьзлерден болагъан кёмекни этди ва якълады.

«2030-нчу йылгъа халкъны яшавун яхшылашдырма, санавун артдырма, ватандашланы орта оьмю­рюн 78 йылгъа етишдирмекни гьаракатын болдурма тарыкъ.

Июль айны 1-нден башлап бары да ватандашланы, оланы оьмюрюне къарамайлы, диспансеризациягъа къуршама герек», — дей пачалыгъыбызны башчысы, демография масъалаланы гьакъындагъы сёйлевюнде.

Озокъда, савлукъ идаралар Президентни Чакъырывун ва ойларын якълама борчлу, якълар деп де инанаман

Сонг да, В.Путинни «Юрт ерлеге 5 мингге ювукъ «скорая помощь» машинлер берилежек» деген сёзлери де бизин сююндюрмей болмай.

Шо машинлер бизин районгъа да тюшер деп бек умут этемен. Олай да, Президентни яйлыкъ лагерлер, олагъа ярты гьагъын гьукумат берип ата-аналагъа кёмек этежек дегенин де биз кёп сююп, разилик булан къаршылайбыз.

Оьзюню Чакъырывунда Президент жамиятны бары да тармакъларын, шоланы ичинде билим берив, маданият, бизнес, юрт хозяйство, ЖКХ, газ ва электрик ток булан таъмин этеген къурумланы, яшёрюмлени, кёп яшлы агьлюлени, туризмни, илму ва техниканы, экологияны ва башгъа масъалаланы гьакъында айтды.

Демек, В.Путин Федерал Жыйынгъа этген оьзюню Чакъырывун бары да якъдан жамиятны якъламакъгъа багъышлагъан эди.

Магьмут Амиралиев, Къарабудагъгент районну башчысы

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

5