Кочапланы уьстюнлюгю
Апрель айны 9-ндан 11-ине ерли Ставропол шагьарда профсоюзланы «Спартак» деген спорт Къаласында регионланы арасында юрюлеген «Халкъланы дослугъу» деген спорт ярышлар оьтгерилген. Шо ярышлар тутушуп ябушувдан 2009-2010, 2011-2012-нчи йылларда тувгъан яш кочапланы арасында юрюлген.
Эсгерилген шо ярышларда бизин районну яш кочаплары да ортакъчылыкъ этгенлер. Шоланы арасындан: 22 кило авурлукъда ябушгъан Гьамзат Мамасиев 1-нчи, 24 кило авурлукъда ябушгъан Абдулла Гьажиев 3-нчю, 38 кило авурлукъда ябушгъан Чамсутдин Агъабеков 2-нчи ерлени къазангъанлар. Оьрде атлары эсгерилген яш кочаплар – Къарабудагъгентдеги ДЮСШ-де тренер Нюрмагьаммат Агъабековну алдында ябушувлагъа уьйренеген уьюрлери. Эсгерилип гетген шо ярышларда гьелили яш кочаплар да ортакъчылыгъын болдургъанлар. Оланы арасындан 30 кило авурлукъда ябушгъан Магьамматмухтар Зайнутдинов 1-нчи, 32 кило авурлукъда ябушгъан Динислам Атагишиев ва 38 кило авурлукъда ябушгъан Али Халилов булар экиси де 3-нчю ерлени алгъанлар. Гьелили кочапларыбызны тренери -Нюрислам Атагишиев.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.