Меню
16+

Сетевое издание «Будни района»

23.04.2021 09:04 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Адабият-тарих экскурс

Автор: Нюрсагьадат Изамутдинова

Апрель айны 18-нде Къарабудагъгент китапхананы къуллукъчуларыны сиптечилиги булан Эсделиклени ва тарихи ерлени гюнюне багъышлангъан «У памятника в тишине постой!» деген баш булан чара оьтгерилди.

Шолай, алдагъы гюн Къарабудагъ­гент юртдагъы У.Буйнакскийни аты къоюлгъан ял алагъан бавда Уллубий Буйнакскийни, Уллу Ватан давда жанын къыйгъанланы, афгъанлыланы, экстремизмге къаршы ябушувларда игит кюйде оьлюп гетген полицияны къуллукъчуларыны эсделиклерини ягъында ёлугъувлар оьтгерилди.

Китапханачылар А.Пашаева, Д.Илья­сова жыйылгъанлагъа У.Буй­накскийни къоччакълыкълары, Уллу Ватан давну къагьруманларыны, афгъан агьвалатланы ортакъчыларыны, бугюнгю яшавда парахатлыкъ болсун деп жан берген полицияны къуллукъчуларыны игитликлери гьакъда хабарлады.

Олай да, 10 йылны узагъында юрюлген афгъан давну, онда оьлген 15 мингден де къолай совет солдатланы ва офицерлени гьакъында охувчулагъа Къарабудагъгент гимназияны завуч-къурумчусу А.Арсланбекова маъналы лакъыр этди.

Тюрлю дав агьвалатларда парахат яшавну якълай туруп къурбан болгъан полицияны къуллукъчуларыны игитликлери гьакъда охувчулагъа Къарабудагъгент 1 номерли орта школаны муаллими Райсанат Гьажиева хабарлады.

Оьзлени хабарларында бары да сёйлегенлер шолай эсделиклени, тарихи ерлени гьакъында гележек наслу билмеге герегин, олагъа гьюрмет этмеге тарыгъын эсгерди.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

3