1-нчи ерге ес болду
Апрель айны 14-нден 18-ине ерли Ставропол шагьарда 13-14, 15-16,17-18 йыллыкъ чагъындагъы спортчуланы арасында спортну Панкратион къайдасындан Россияда биринчилик учунгъу ярышлар юрюлген.
Оьтгерилген шо ярышларда 900-ден де артыкъ спортчу яшёрюмлер оьзлени ябушувдагъы гьюнерлерин гёрсетгенлер. Эсгерилген ярышларда ортакъчылыкъ этмеге насип болгъан Къарабудагъгент ДЮСШ-ни уьюрю, тренер Гьажи Нуритдиновну уьйретивлери булан ябушувну къайдаларына уьйренип юрюйген Гьажимурат Гьажиев шо ярышларда 17-18 йыллыкъ оьмюрдеги эсли кочаплар булан гюч сынагъан. Ол оьзюню 62 кило авурлугъундагъы кочаплардан уьст гелип, биринчи ерге ес болгъан. Шо уьстюнлюгю булан Гьажимурат Гьажиев бу йыл оьтгерилежек Дюньяда биринчилик учунгъу ярышларына да ёл ачгъан. Россия ярышланы алдынлысы Гьажимурат Гьажиевни ва ону тренери Гьажи Нуритдиновну етишген уьстюнлюгю булан къутлайбыз ва узакъ къалмай баражакъ Дюнья ярышларында да оьрлюклеге етишмекни ёрайбыз.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
