Меню
16+

Сетевое издание «Будни района»

02.04.2021 09:09 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Гиччипавланы гьайы этиле

Автор: Нюрсагьадат Изамутдинова

Бизин районда гьар тюрлю федерал, регионал ва ерли программалар булан артдагъы эки йылны ичинде гьар тюрлю тармакъларда зор ишлер этилип тура ва 2021-нчи йылда дагъы да кёп ишлер этме гёз алгъа тутулгъан.

Барыбызгъа да белгили кюйде, «Демография» деген милли проектге гёре, бизин районну 3 юртунда, мекенлешдирип айтгъанда, райцентрда, Дёргели, Жанга юртларда умуми алгъанда 570 яшгъа ери булангъы яшлар бавлары къурулуп тура.

Ачыкъ кюйде районну билим берив тармагъы кёбюсю федерал милли проектлени бизин районда толу кюйде яшавгъа чыгъармакъ, районну школаларыны материал-техника базасын, яшлагъа сан янлы билим беривде алдынлы къайдаланы, техника алатланы генг кюйде къолламакъны ва яшавгъа чыгъармакъны гьайы этиле.

Районну территориясында иш гёреген ва яшавгъа чыгъарылагъан милли проектлеге харжлар федерал, регионал, район, бир гесеги ерли бюджетлерден ва бюджетден тышгъари гелимлерден амалгъа геле.

Районда яшавгъа чыгъарылагъан милли проектлени яшавгъа чыгъывуну барышына районну башчысыны орунбасары Жалалутдин Жамалут­динов тергев эте. Ерлерде къурулагъан яшлар бавларыны къурулушларыны барышы гьакъда ол булай баянлыкъ бере:

- Масала, Къарабудагъгент юртну ГАИ постну югъугъунда 250 яшгъа ери булангъы къурулагъан яшлар баву райцентрны бу микрорайонуна гёзеллик къоша. Объектни къурулуш багьасы — 200 миллион манат . 2021-нчи йылны март айыны 15-ине къурулушда 160 миллион манатны иши этилген. Дёргели юртда 200 яшгъа ери булангъы яшлар бавуну къурулуш багьасы – 170 миллион манат. Бу йылны март айыны 15-ине къурулушда 120 миллион манатны иши этилген. Жангада 120 яшгъа ери булангъы яшлар бавуну къурулуш багьасы – 107 миллион манат. Март айны 15-ине мунда 40 миллион манатны иши этилген.

Чакъгъа исси тюшгендокъ, районну оьрде атлары эсгерилген юртларында къурулагъан ишлени барышы гюн сайын чалтлаша.

Ерлерде къурулагъан яшлар бавларын янгы охув йылны башына пайдаландырывгъа берме гёз алгъа тутулгъан.

Шо районну халкъы, айрокъда гиччипавланы ата-аналары учун уллу савгъат болажакъ.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

6