Меню
16+

Сетевое издание "Району яшаву"  «Будни района»

02.04.2021 09:08 Пятница
Категории (2):
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Бир мингге етише...

Автор: Багьавутдин Самадов

Белгили кюйде, январ айны ахырында Россияда масса къайдада коронавирус аврувгъа къаршы вакцина этив башланды ва узатылып тура. Шо гьакъда масса маълумат къуралларда генг ­англатыв иш юрюле.

Бизин районда вакцин этив гьакъда Къарабудагъгент район больницаны баш врачыны поликлиника ишине жаваплы орунбасары Гюлженнет Расулова маълуматлар берди. Демек, март айны 26-сына районну ичинде 950 ватандашгъа вакцинни биринчи гесеги этилген. Олай да, экинчи гесегин буса 580 адам этдирген.

Ону сёзлерине гёре, аслу гьалда вакцинни билим берив ва савлукъ сакълав тармакъланы ишчилери этдирген. Масала, билим берив тармакъдагъы муаллимлени, тарбиялавчуланы ва къошум билим берив муаллимлени 415-и вакцинни алгъан. Олай да, медицина тармакъдан 268 адамгъа укол этилген. ­ Г. Расулова ихтияр якълав къурумларда чалышагъанланы 140-сына да укол этилгенин айтды.

Узакълашгъан авруву бар 1194 адамдан 8-ине тюгюл вакцин этилмегенни де айтды Къарабудагъгент ЦРБ-ни баш врачыны поликлиника ишине жаваплы орунбасары Г. Расулова.

Бизин булангъы лакъырыны ахырында Г. Расулова врачланы таклифине гёре районну халкъына вакцин этдирмеге чакъырыв этди. Демек, кёп халкъны савлугъун сакъламакъ учун вакцинни этдирмеге тарыкълыгъын англатды.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

3