Берген антына амин болуп...

Неге тюгюл де, къаркъарабызны бир ери авругъандокъ, биз олардан кёмек къаравуллайбыз, больницагъа бармагъа болмай бусакъ, «Скорая помощь» бёлюкде ишлейген врачланы чакъырабыз. Муна алдагъы гюнлерде, къарны чинк де гючлю явуп турагъан вакътиси, ёллардан машинлер де юрюп болмай. Шолай чакъгъа да къарамайлы, гече геч вакъти буса да, къаркъарамны бузукълугъуна гёре, магъа «Скорая помощь» чакъырмагъа тюшдю. Арадан аз да гетмейли, шо борангъа, терен явгъан къаргъа да къарамайлы, къолларында медицина алатлардан толгъан эки сумкасын да гётерип, «скорыйны» врачлары Патимат Гьюсейнова, Тазмина Абдуллагьатова бизге гирип гелдилер. Олор магъа шоссагьат, алгъасавлу кюйде оьзлерден болагъан кёмегин де этди. Къаркъарам хыйлы къолай болгъунча гетмейли, тарыкълы дарманланы да берип геч болгъунча янымдан таймадылар. Олагъа баракалламны билдирмей нечик болайым?!

Ондан сонг, артындагъы гюнлер мени больницагъа ятдырдылар. Терапевтлер: Камил Магьамматов, Н.Алиева, Н.Ягьияева, эндокринолог­лар: Магьмут Шихаев, Салмуханым Алиева, врач-кардиолог Кристина Андреевна, Гёзел Илмутдиновна, хирург Патимат Камиловна, Мурат Загьиров, баш врач Расул Гьиравов, медсестра-лаборантка Бийке Батразовна, «Скорая помощдан» Патимат, Загьра, Марьям ва олай да Патимат Шарапова, Гьаяханым Багъатырова, Алжанат Идрисова, Наимат Паталиева ва олай да атлары эсгерилмей къалгъан бары да акъ халат гийгенлеге мени ва къавум-къардашларымны атындан Аллагь рази болсун деп айтмагъа сюемен.

Гьюсейин Умарпашаев, Къарабудагъгент юрт