Меню
16+

Сетевое издание "Району яшаву"  «Будни района»

16.04.2021 09:23 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Яшланы яйлыкъ ял алыв масъаласына къаралды

Автор: Шихав Къайирбеков

Гьаманда йимик, жуманы талатгюнюнде район администрацияны гезикли аппарат жыйыны болду. Жыйында районну башчысы М.Амиралиев, администрацияны башчысыны орунбасарлары, бёлюклерини ёлбашчылары, юртланы башчылары, райцентрда иш гёреген къурумланы ёлбашчылары, чакъырылып гелген къонакълар ортакъчылыгъын болдурдулар.

Чараны гиришив сёз булан районну башчысы М.Амиралие ачды ва юрютдю.

Районну гьакимбашы залдагъылар булан саламлашып битген сонг залдагъыланы ва районну бары да ватандашларын бусурманлар учун лап сыйлы рамазан айны башланыву булан къутлады.

Чарада аслу масъаланы арагъа салып ойлашма гиришгенче, март айны 12-13-нде болгъан къалын къарны натижасында, районда ёл юрюшде тувулунгъан гьалны ёрукълашдырывда гечесин-гюнюн бир этип намуслу кюйде ишлеген районну ёллагъа къарайгъан управлениесини къуллукъчуларыны бир группасына районну Гьюрметлев грамоталары тапшурулду.

Барыбызгъа да белгили кюйде, март айны 25-и – маданият къуллукъчуланы касбу байрамы. Бу агьвалатгъа байлавлу болуп, ерлерде гьар тюрлю чаралар оьтдю.

Апрель айны 13-нде буса шатлыкъны шартларында районну маданият тармагъыны ерлерде иш гёреген къуллукъчуларыны бир бёлюгюн тёкген асил загьматы саялы, Дагъыстан республиканы маданият министерлигини, районну Гьюрметлев грамоталары ва эсделик савгъатлар булан савгъатлады.

Районда яшланы яйлыкъ каникулланы вакътисинде ял алывун болдурувгъа ва савлугъун камиллешдиривге байлавлу болуп, районну денгиз бойдагъы территориясында ерлешген лагерлени яшланы къабул этивге гьазирлиги гьакъда баян­лыкъ берме район администрацияны социал-сиясат управлениесини ёлбашчысы Гюлжанат Темированы сагь­нагъа чакъырды.

Ол сёзюн булай башлады:

- Яшланы яйлыкъ ял алывун болдурув янгыз социал якъдан якълав болуп къалмай, ол яшны яратывчулукъ, ругь оьсювюне, тенглилери булан аралыкъ, дослукъ тутувуна болушлукъ эте. Яйлыкъ каникулланы вакътисинде яшлар чыныгъа, гюч ала, янгы оьрлюклеге ругьу гётериле.

2020-нчы йылда коронавирус себеп болуп, республикада яшланы яйлыкъ каникулланы вакътисинде лагерлеге йиберив токъталгъан эди. Буссагьатгъы вакътиде бизин районну денгиз бойларында ерлешген лагерлени ёлбашчылары ДР-ни Роспотребнадзор къурумуна, савлукъ болдурув къурумланы санитар-эпидемиология гьалына ихтияр алмакъ учун тарыкъ­лы кагъызлар йиберген. Гьалиге жавап ёкъ.

Г.Темированы сёйлевюнден ачыкъ болгъаны йимик, районну денгиз боюнда 5 савлукъ болдурув лагерлер иш гёре.

Яшланы яйлыкъ каникулланы вакътисинде ял алывун болдурувгъа лагерлени гьазирлигин тергемек учун комиссия къурулгъан, комиссияны уьюрлери лагерлерде болгъан. «Анжи-мастер», «Аист», «Парус» деген лагерлерде 2019-нчу йылдагъы тарыкълы кагъызлары сакълангъан. Лагерни материал-техника гьалы яхшы. Яшлар турагъан уьйлер онгарылгъан, тарыкълы оюнчакълар ва оьзгелери булан таъмин.

Оьзюню сёйлевюнде Гюл­жанат Темирова:

- Лагерлени ёлбашчылары Роспотребнадзордан лагерлер яйлыкъ ял алыв сезонгъа ишлеме ярай деп кагъыз берме тарыкъ.­ Гьалиге шып­лыкъ, заман буса гетип тура,-деди.

Чарада еринден туруп сёйлеген «Анжи-мастер» лагерни ёлбашчысы Сайгит Гьитинов Роспотребнадзор лагерге тийишли къарар бермей созуп турагъанын, оьзлени далапчылыкъ гьаракаты токътап турагъанын аянлаш­дырды.

- Биз гетген йыл коронавирус инфекция аврув себеп болуп яйлыкъ каникулланы вакътисинде къабул этмедик. Лагерни газгъа, токгъа тёленмеген борчлары бар. Бу йыл да гьал шолай къалса бизин гележегибиз белгисиз. Лагерлер сезонда ачылмай буса, баш чарабызны башгъачалай гёрме сюебиз деди,-ол.

Чарада гьасил чыгъарып сёйлеген М.Амиралиев лагерлени ёлбашчыларына оьзюню янындан болагъан кёмекни этежегин, лагерлени ёлбашчылары булан, республика оьлчевдеги ведом­стваланы гьакимбашлары булан ёлукъма гьазирлигин англатды.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

3