Меню
16+

Сетевое издание "Району яшаву"  «Будни района»

16.04.2021 09:11 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Субботниклер узатыла

Къарабудагъгент районну башчысыны буйругъуна гёре, апрель айны 1-нден 30-уна ерли Къарабудагъгент районну юртларыны гёзеллигин сакъламакъ, тазалыгъын болдурмакъ учун субботниклер оьтгериле. М.Амиралиевни буйругъун яшавгъа чыгъара туруп, районну ичиндеги къурумланы, идараланы къуллукъчулары апрель айны 3-нде ва 10-нда оьтгерилген субботниклерде оьзлени территорияларыны тазалыгъын болдурдулар.

Оьтгерилген субботниклерде районну юртларындагъы муаллимлер де охувчулар булан орамлардагъы, ёллардагъы нас-алагъожаланы жыйып къаплагъа тёшеди, паркны ва скверлени айланасын тазалады.

Гележек наслуну ва яшёрюмлени чёплени жыйыв ва территорияланы нас-алагъожалардан тазалав ишге къуршав жамиятда экология культураны тарбиялав иш гьисаплана. Демек, шону булан биз орамларыбызны, майданчаларыбызны, юртларыбызны экология аманлыгъыны гьайын этебиз.

Олай да, субботникни оьтгеривде юртлулар оьзлени техникаларын да къоллады. Жыйылгъан къалды-къулдулар тракторланы, экскаваторланы кёмеклиги булан тайдырылды, КамАЗлар ва самосваллар булан ташылынды.

Районну башчысы М.Амиралиев субботник оьтгерилеген идараланы, къурумланы айланып барып тергеген.

Апрель айны 10-ндагъы субботникде 2800 адам ортакъчылыкъ этген ва 50 техника къоллангъан.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

4