Меню
16+

Сетевое издание «Будни района»

05.03.2021 08:59 Пятница
Категории (2):
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Савгъатлар тапшурулду

Автор: Нюрсагьадат Изамутдинова

Район Жыйыныны депутатларыны гезикли 5-нчи сессиясында Къарабудагъгент районну социал-экономика оьсювюню гьасиллерине гёре, районну башчысы Магьмут Амиралиевни къарары булан районну муниципал къурулушлары, идаралары «Къарабудагъгент район» муниципал районну социал-экономика оьсювюне этген гёрмекли къошуму саялы, олагъа алдынлы ерлер берилди ва савгъатланды.

1-нчи ерни алгъан «Къарабудагъгент юрт» муниципал къурулувгъа «Къарабудагъгент район» муниципал районну атындан 300 минг манат акъча савгъат берилди.

2-нчи ерни алгъан «Губден юрт» муниципал къурулувгъа – 250 минг манат, 3-нчю ерни алгъан «Гьели юрт» муниципал къурулувгъа буса 200 минг манат акъча савгъат берилди.

Къарабудагъгент районну муниципал билим берив ожакъларыны арасында алдынлы ерлеге ес болгъан 3 охув ожакъгъа район администрацияны атындан Гьюрметлев грамоталар ва 100-ер минг манат акъча савгъат этилди. Олар: МБОУ «Гимназия» Къарабудагъгент юрт; МБОУ «Какашуринская СОШ №2; МБОУ «Губденская СОШ». Олай да, «Къарабудагъгент район» муниципал районну атындан Гьюрметлев грамоталар ва 100-ер минг манат акъча савгъат районну алдынлы ерлеге ес болгъан 3 яшлар бавуна да тапшурулду. Олар: Агъачавул юртну «Звёздочка» деген 15 номерли яшлар баву, Къурбуки юртну «Родничок» деген 13 номерли яшлар баву, Къарабудагъгент юртну «Юлдуз» деген 2 номерли яшлар баву.

Гьар идараны иш уьстюнде къутлап, савгъатланы тапшурмакъ муратда районну башчысыны биринчи орунбасары Ибрагьим Абдулмежитов, орунбасары Жалалутдин Жамалутдинов ва район администрацияны аппаратыны ёлбашчысы Жамалутдин Имакъов оьрде эсгерилген идаралагъа барып иш коллективлеге районну социал-экономика оьсювюне этген къошуму саялы баракалла билдирип, ишинде гележекде дагъы да уллу уьстюнлюклеге етишмекни ёрадылар.

Идараланы ёлбашчылары да коллективни атындан оьзлеге этилген тергев саялы район администрацияны башчысы Магьмут Амиралиевге ва савгъатланы тапшурмагъа гелген район администрацияны жаваплы къуллукъчуларына разилигин билдирди, дагъы да яхшы ишлемеге гьаракат этежегин айтды.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

3