Охувчулар шагьмат оюнда
Алдагъы гюн Къарабудагъгентдеги «Эрудит» деген ЦДО-да районну спорткомитетини ва ЦДО-ну ёлбашчыларыны сиптечилиги булан, Ватанны якълавчуларыны гюнюне багъышланып охувчу яшланы арасында шагьматдан район ярыш оьтгерилген.
Эсгерилген ярышда районну школаларындан гелген 40-дан да артыкъ охувчу шагьматистлер шагьмат оюндан оьзлени бажарывлулугъун аян этгенлер. Ярышны ахырындагъы гьасиллеге гёре, къарабудагъгентли шагьматистлер Юнус Багьриев – 1-нчи, Абдулгьалим Багьриев буса 2-нчи ерлени алгъанлар. Шо ярышда ортакъчылыгъын болдургъан паравуллу шагьматист Набиюлла Магьамматов шо ярышларда 3-нчю ерге ес болгъан. Ярышны алдынлылары барысы да спорткомитетни ва шо ярышлагъа спонсорлукъ кёмегин болдургъан юртдагъы АЗС-лени бирисини ёлбашчысы Муратхан Алиевни янындан грамоталар, кубоклар, медаллар ва акъча савгъатлар булан савгъатлангъан. Ярышны алдынлылары тренерлери Магьамматсалам Багьриевни ва Абдулнасир Темирбековну уьйретивлери булан шагьмат оюнну ойнама уьйренелер.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.