Меню
16+

Сетевое издание «Будни района»

05.03.2021 09:04 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Дёргелиде ёлугъув

Март айны 3-нде Къарабудагъгент районну гьакимбашы Магьмут Амиралиев Дёргели юртгъа иш сапар булан чыкъды. Шо ёлугъувда ол юртну жамиятыны вакиллери булан ёлукъду ва юртну аслу масъалаларыны гьакъында лакъыр болду.

Ёлугъувда Дёргели юртну башчысы, имамы, ерли Жыйынны депутатлары, къурумланы ва идараланы ёлбашчылары ортакъчылыкъ этдилер. Шонда аслу гьалда 2020-нчы йылны гьасиллери чыгъарылды ва 2021-нчи йылгъа гёз алгъа тутулгъан ишлер гьакъда сёйленди. Демек, юрт Жыйыныны депутатларыны ва активини алдында юртну башчысы Гь.Мурзаев гьисап берди.

Демек, коронавирус аврувгъа къаршы вакцина этив, сув быргъы тартыв, янгы яшлар баву ачылыв, «Мени Дагъыстаным – мени ёлларым» деген программагъа гёре асфальт салыв, сув къуюланы нас-алагъожадан тазалав, янгы больницагъа медицина алатлар алыв, янгы микрорайонну газлашдырыв ва ярыкъ тартыв, СПоК учун ярыкъ теллени онгарыв ва ­оьзге масъалалар гьакъда лакъырлашыв болду.

Ёлугъувну барышында ону ортакъчылары районну башчысы Магьмут Амиралиевге оьзлени соравларын да бердилер. Районну гьакимбашы оланы соравларына толу жаваплар къайтарды.

Ёлугъувну ахырында Дёргели юрт­ну башчысы Гьамзат Мурзаев жамиятны атындан районну башчысы Магьмут Амиралиевге баракалласын билдирди. Демек, районда ва юртларда юрюлеген ишлеге М. Амиралиев гьар гюн тергевюн болдура.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

0