Меню
16+

Сетевое издание «Будни района»

26.03.2021 09:46 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Милли проектлер узатыла

Автор: Багьавутдин Самадов

Гьаманда йимик, талатгюн, март айны 23-нде, район администрацияны жыйынлар оьтгерилеген уллу залында районну администрациясыны аппаратыны гезикли генгеши оьтгерилди. Генгешни барышында районну администрациясыны бёлюк­лерини ёлбашчылары ва районну ичиндеги юртланы башчылары ортакъчылыкъ этдилер.

Генгешни ачгъан ва юрютген районну гьакимбашы Магьмут Амиралиев районну ичинде яшавгъа чыгъарылагъан милли ва республика проектлени ва программаланы гьакъында баянлыкълар бермеге районну администрациясыны башчысыны орунбасары Жалалутдин Жамалутдиновну трибунагъа чакъырды.

Трибунагъа гётерилген Ж.Жамалутдинов оьзюню сёйлевюнде 2020-нчы йылда этилген ишлени гьакъында айтгъан сонг, гёз алгъа тутулгъан 2021-нчи йылда этилмеге тарыкълы ишлени гьакъында мекенли кюйде баянлыкълар берди.

«Демография» деген милли проектге гёре бугюнлерде районубузда 3 яшлар баву къурула. Демек, Къарабудагъгент, Дёргели ва Жанга юртларда 570 гиччипавгъа ерлер болдурулажакъ. Ол шоланы къурмакъ учун бюджетден 477 миллион манат гёрсетилгенин эсгерди.

Олай да, Ж.Жама­лут­диновну сёзлерине гёре, дагъы да къурулмагъа гёз алгъа тутулгъан 8 яшлар бавуну ва 5 школаны хас кагъызлары онгарылгъан. Шоллукъда, 1575 гиччипавгъа ва 1840 охувчугъа янгы ерлер болдурулмагъа герек.

«Гьар охувчуну уьстюнлюгю» деген проектге гёре, бу йыл къошум билим берив тармакъда 40-45 гюп (группа) ачылмагъа герек. Гьар гюпде 15-20 охувчу билим алажакъ. Шо гюплерде охувчулар гьар тюрлю тармакъдан билимин артдыражакъ. Масала, яшланы фортепианода уьйретмек учун къошум программа ачылажакъ»,-деди Ж.Жамалутдинов.

Олай да, ол оьзюню сёйлевюнде «Билим берив», «100 школа» «Точка роста» ва оьз­ге милли проектлеге гёре юрюлеген ишлени гьакъында баянлыкълар берди. Масала, 8 школагъа ремонт этилген, 54 муаллим билимин камиллешдирген, 7 школа янгы автобуслар ва «Газеллер» алгъан, кабинетлер учун тарыкъ-герек алатлар алынмагъа гёз алгъа тутула. Сонг да, школаланы спортзаллары онгарылмагъа тарыкъ.

Оьзюню сёйлевюнде районну администрациясыны башчысыны орунбасары Ж.Жамалутдинов маданият, спорт ва савлукъ сакълав тармакъларда этилген иш­лени ва 2021-нчи йылда этилмеге тарыкълы ишлени гьакъында генг кюйде маълуматлар берди.

Ону сёйлевюнден сонг районну гьакимбашы Магь­мут Амиралиев гётерилген масъалалагъа гёре оьзю­ню пикруларын айтды ва тапшурувларын берди. Айтагъаным, район администрацияны жаваплы къуллукъчулары булан бирче юртланы башчылары милли проектлени ва программаланы яшавгъа чыгъарылывуна чалышмагъа герек.

Олай да, М.Амиралиев милли проектлер булан янаша табии хатабалагьланы, демек, къатты къар явув ва топуракъны сюрлюгюв масъалаланы алдын алмагъа ва чечмеге чакъырды.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

6