Конкурсну алдынлылары
Гьар йыл йимик, бу йыл да ана тил дарсланы абурун гётермек, охувчуланы ана тилге бакъгъан сюювюн артдырмакъ, яратывчулукъ булан ишлейген ана тиллени муаллимлерине якълав ва кёмек болдурмакъ, оланы педагогика сынавун яймакъ учун «Ана тилни инг яхшы муаллими-2021» деген Республика конкурсну муниципал этабы оьтгерилди.
Шо конкурсну алдынлылары булан март айны 19-нда «Къарабудагъгент район» муниципал районну башчысыны орунбасары Жалалутдин Жамалутдинов оьзюню иш кабинетинде ёлугъув оьтгерди ва олагъа грамоталар тапшурду.
1-нчи ер — Лайла Гьабилляева, Къарабудагъгент 2 номерли орта школа.
2-нчи ер – Гюлжанат Тонаева, Паравул 1 номерли орта школа ва Русайдат Салаватова, Къарабудагъгент гимназия.
3-нчю ер – Марьям Агъатова, Паравул 3 номерли орта школа.
Оьтгерилген конкурсда бары да конкурсантлар предметни терен билегенлигин, янгы технологияланы генг кюйде къоллап бажарагъанлыгъын, билим беривде къолланагъан чараланы яратывчулукъ ва усталыкъ булан къоллайгъанны, ят яшлар булан ишлеп бажарагъанлыгъын, оланы интерелерин активлешдирме, тарбиясын кюйлеме бажарагъанлыгъын аян этди.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
