Меню
16+

Сетевое издание «Будни района»

26.03.2021 09:13 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Конкурс оьтгерилди

Автор: Калимат Элмурзаева

Школаларда язбашгъы каникуллар башлангъан буса да, Къарабудагъгент районда яшлар учун гьар тюрлю чаралар ва конкурслар ­оьтгериле.

Шолай, март айны 23-нде Къарабудагъгент юртдагъы «Эрудит» деген яшланы охутагъан къошум билим центрны бинасында районну охувчуларыны арасында Дагъыстан республика къурулгъанлы 100 йыллыгъына багъышланып, «Край, где я живу» деген адабият конкурс оьтгерилди.

Конкурсну аслу мурады оьсюп гелеген наслугъа оьзлени ватанын сюйдюрмек, патриот ругьда тарбияламакъ ва Дагъыстан республиканы тарихин билдирмек эди.

Конкурсда Къарабудагъгент, Паравул, Манасгент, Къурбуки, Къакъашура, Агъачавул, Гьели, Аданакъ юртланы школаларыны 5,6,7,8-нчи класларыны охувчу яшлары эки оьмюр чагъында: 11-14 йыл ва 15-17 йыл ортакъчылыгъын болдурду.

Конкурс районну социал сиясат управлениеси, маданият, туризм ва яшёрюмлеге къарайгъан бёлюкню сиптечилиги булан оьтгерилди.

Чараны ачылывунда сёйлеген районну социал-сиясат управлениесини ёлбашчысы Гюлжанат Темирова жыйылгъан яшлагъа конкурсну гьакъында хабарлай туруп, ортакъчылыкъ этеген яшлагъа уьстюнлю ерлени алмакъны ёрады.

Конкурсну гьасиллерине гёре, 11-14 йыл оьмюр чакъында: Магьаммат Мусаев- 1-нчи ер, (Къурбуки 1 номерли орта школа), Айгюл Кулиева-2 ер,(Паравул 3 номерли орта школа), Марьям Уцумиева-3 ер, (Манасгент орта школа).

15-17 йыл оьмюр чагъында: Исбаният Жангишиева-1 ер, (Къарабудагъгент 2 номерли орта школа), Диана Гьажиева-2 ер, (Къакъашура 2 номерли орта школа), Патимат Газиева (Къарабудагъгент 3 номерли орта школа) ва Барият Хыдырбекова (Къарабудагъгент гимназия) 3 –нчю ерлеге ес болдулар.

Алдынлы ерлени алгъан яшлагъа район администрацияны янындан дипломлар ва акъча савгъатлар тапшурулду.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

3