Меню
16+

Сетевое издание «Будни района»

26.03.2021 09:09 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Бир де билинмей

Автор: Шихав Къайирбеков

Коронавирус инфекция аврув савлай аламгъа пелекет салып турагъаны бир йылдан къолай бола. Бу яман югъагъан аврув пачалыкъланы экономикасына, ватандашланы яшав даражасына терс яндан таъсир эте геле. Коронавирус инфекция аврув себеп болуп, кёбюсю увакъ, орта далапчылыкъ булан машгъул коллективлер кютюрлюкге тарыды, Миллионлар булан адамлар ишсиз къалып туралар.

Бизин уьлкеде де шо яман югъагъан аврувну таъсири сезилмей къалмады.

Россияны башын тутгъанлар, алимлер, оьзге тийишли къуллукъланы касбучуларыны янындан аврувну алдын алмакъ, яйылывун токътатмакъ муратда къатты чаралар гёрюлдю. Адамлар кёп жыйылагъан, къатнашагъан ерлер, шатлы чаралар ва башгъалары гери урулду. Ишлейген пенсионерлер больничный листге чыгъарылды.

Бу къыйын заманлар уьлкени башын тутгъанлар кёп яшлы агьлюлеге мекенли кёмегин болдургъанын авлетлери бар гьар ожакъ яхшы сездилер. Мунда этилген кёмеклени такрарламакъны маънасы ёкъ. О гьакъда хас маълумат къуралларда, бизин газетни бетлеринде кёп маълуматлар берилип турду.

Коронавирус инфекция аврувну алдын алмакъ муратда дюньяны белгили алимлери, шону ичинде бизин пачалыкъны алимлери де бар аврувну алдын алывгъа къаршы дарман чыгъарма бары гюч бакъдырылып иш гёрюлдю. Бизин пачалыкъны алимлери лап биринчи болуп аврувгъа къаршы «Спутник V» деген препаратны чыгъарды. Ону асувлулугъу 91 процентден де къолай деп айта. «Спутник V» препарат коронавирус инфекциягъа къаршы дюньяда бар препаратланы лап асувлусу деп гьисаплана.

Бугюнлерде бизин пачалыкъ да, шону ичинде бизин районда да коронавирус инфекцияны яйылывуну алдын алмакъ учун ватандашлар массовый кюйде, вакцина этдирип туралар. Хас маълуматларда эсгерилеген кюйде уьлкеде буссагьатгъы вакътиде 6 миллиондан да къолай адам 1-нчи керен вакцина этдирген. Коронавирус инфекция аврувну яйылывуну алдын алмакъ учун уьлкеде яшайгъанланы 70 проценти вакцина этдирме тарыкъ. Шо саялы да ерлерде адамлагъа вакцина этеген ерлени санаву артып юрюй. Адамлар савлай агьлюлери булан вакцина этдирегенлер де бар.

Март айны 1-нде район газетни къуллукъчулары да 1-нчи керен коронавирус инфекция аврувгъа къаршы вакцина этдирген эди. Март айны 22-нде экинчи керен де этдирдик. Бир къоркъунчлукъ да ёкъ. Эки де гезик вакцина этгени де билинмеди. Артындагъы гюн де къаркъарамда гьеч алмашынывну гьис этмедим.

Район больницаны врачлары, орта медицина къуллукъчулар вакцина этдирме гелгенлени лайыкълы къаршылай, тарыкълы кагъызланы толтурма кёмек этелер. Къанынгны басылывун тергей. Вакцина этеген орта медицина къызны къолу нече де енгил, мен ва иш ёлдашларым вакцина этгенин де билмей къал­дыкъ. Вакцина этдиривден къоркъма тарыкъ тюгюл. Вакцина этдирив гёнгюллю чара, вакцина этдирсенг, юрегинг парахат болур.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

0