Меню
16+

Сетевое издание "Району яшаву"  «Будни района»

19.03.2021 09:53 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Яратывчулукъ ёлунда

Автор: Нюрсагьадат Изамутдинова

Март айны 11-нде Къарабудагъгент юрт Баш китапханада «Магьамматнаби Халилов – поэзия жыйымланы автору» деген баш булан къумукъ шаирни яратывчулугъуна, ону 80 йыллыгъына багъышлангъан ёлугъув оьтгерилди.

Шаирни яратывчулугъу гьакъда жыйылгъанлагъа баш китапханачы Азинат Пашаева хабарлады:

- Магьамматнаби Халилов – дагъыстан поэзияда белгили адам. Къумукъ охувчулар ону шиъруларын кёп сююп охуй. Ол 8 китапны автору, олай да ону шиърулары башгъа шаирленики булан бирче коллектив жыйым китапларда да чыкъгъан. Магьамматнаби Халилов Россияны язывчуларыны Союзуну ва Россияны журналистлерини Союзуну уьюрю де дюр.

Шаирни асарларыны тематикасы тюрлю. Ол табиатны, сюювню, ватанны гьакъында яза. Олай да, ­спортну усталарыны, белгили адамланы гьакъында М.Халилов балладалар, поэмалар ва макъалалар язгъан.

Шаир загьматчыланы, элине гьалал къуллукъ этегенлени, яхшы ишлер булан машгъул адамланы гьакъында айрокъда кёп сююп яза. Оьзюню яратывчулугъунда элине бакъгъан сююв гьакъдагъы асарлагъа шаир гёрмекли ерни берген десек, тюз болур…

Яшав гьакъда оьзюню философия ойларын ол эки сатырлыкъ шиъруларында бек арив ва маъналы ярата. Эки сатырлыкъ шиъруда да М.Халилов уллу маънасы булангъы ойланы ­англатма ва охувчуларына етишдирме бажара… — деди.

Шаирни яшав ёллары гьакъда Къарабудагъгент бир номерли орта школаны муаллими Райсанат Гьажиева хабарлады.

Баш китапхананы къуллукъчусу Динаханум Ильясова охувчуланы М.Ха­лиловну китаплары булан таныш этди, оланы темасы гьакъда хабарлады.

Сёз берилген Къарабудагъгент бир номерли орта школаны охувчулары М.Халиловну «Мени дюньям» деген шиъруларын гёнгюнден охуду.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

4