Меню
16+

Сетевое издание «Будни района»

19.03.2021 10:29 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

МЧС-ни министри сапар булан

Белгили кюйде, март айны 11-нден 13-юне ерли бизин районда табии хатабалагь болду. Ачыкълашдырып айтсакъ, къатты кюйде къар явду. Явгъан къарны бийиклиги бир-бир юртларда 1 метр­ден де артыкъ эди.

Шо гьал булан ювукъдан таныш болмакъ муратда март айны 13-нде Къарабудагъгент районну башчысы Магьмут Амиралиевни ишчи кабинетинде ДР-ни МЧС-ини министри Нариман Къазимагьамматов булан ёлугъув оьтгерилген.

Шо ёлугъувда районну гьакимбашы республиканы министри булан болгъан табии хатабагь гьакъда тыныдырыкълы кюйде гьакълашгъанлар. Демек, зарал болгъан адамлагъа пачалыкъны янындан болагъан кёмегин этмеге гереклигин ташдыргъанлар.

Олай да, ДР-ни МЧС-ини министри Нариман Къазимагьамматов явгъан къарны тазаламакъ учун 15 хас техинка ва 100-ге ювукъ къуллукъчу гелгенин ачыкълашдыргъан.

Шоллукъда, эсгерилген министерликни хас къуллукъчулары 25 социал къурулушну ва 17 яшавлукъ уьйлени айланасын къардан тазалагъан. Олар идараланы къуллукъчуларына ва адамлагъа юрюмек учун ёлланы ва тротуарланы тазалагъан.

Шо гюн оьтгерилген ёлугъувда жыйылгъанлар бек къатты явгъан къарлардан сонг болгъан заралны тайдырагъан ишлени, болгъан заралны санайгъан комиссиясыны ишине ва башгъа тюрлю масъалаларына къарагъан. Болгъан гьакълашывну гьакъында ДР-ни Башчысыны заманлыкъгъа борчларын кютеген Сергей Меликовгъа айтылажагъы мекенлешдирилген.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

4