Биринчилик учунгъу ярышларда…
Оьтген айны 20-21-нде Каспийск шагьардагъы Али Алиевни атындагъы спорт къалада яшланы ва юниорланы арасында армейский рукопашный ябушувдан Дагъыстанда биринчилик учунгъу ярышлар юрюлген. Оьтгерилген шо гюнлердеги ярышларда 4 тюрлю авурлукъ категориядагъы кочаплар бир-бири булан гюч сынагъанлар. Шо ярышларда ортакъчылыгъын болдургъан Къарабудагъгент ДЮСШ-ни кочапларыны кёплери ярышланы алдынлыларыны сыдраларына гиргенлер. Масала, шоланы арасындан,
8-9 йыллыкъ кочаплардан:
33 кило авурлукъда ябушгъан Магьаммат Мустапаев 3-нчю ерге ес болгъан.
11-12 йыллыкъ кочаплардан:
33 кило авурлукъда ябушгъанлар: Мукайил Ильясов, Магьамматгьажи Керимов, 36 килода ябушгъан Элдар Нугьпашаев, 50 кило авурлукъда ябушгъан Магьамматсалам Гьасанбеков – булар дёртюсю де шо ярышларда 3-нчю ерлени алгъанлар.
14-15 йыллыкъланы арасындан:
50 кило авурлукъда ябушгъан Шарапутдин Умаев 1-нчи, 45 кило авурлукъда ябушгъан Магьамматмухтар Рамазанов 3-нчю, 65 кило авурлукъда ябушгъан Жанболат Паталиев 3-нчю ерлени къазангъанлар.
16-17 йыллыкъ кочапларыбыздан:
65 кило авурлукъда ябушгъан Гьажимурат Гьажиев 1-нчи ерге, 75 кило авурлукъда ябушгъан Мугьаммат Магьамматов 2-нчи ерге, 65 кило авурлукъда ябушгъан Мурат Асгеров 3-нчю ерге, 60 кило авурлукъда ябушгъан Казбек Абдуллабеков да 3-нчю ерлеге ес болгъанлар. Олар барысы да – эсгерилген ДЮСШ-ни тренерлери Магьамматмухтар Салаватовну ва Жамал Багьандовну секцияларыны уьюрлери.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
