Меню
16+

Сетевое издание «Будни района»

19.03.2021 10:01 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Бетерин Тенгирибиз гёрсетмесин!

Автор: Шихав Къайирбеков

Гьалиги девюрде шат, къайгъы, оьзге хатабалагь болсун, халкъланы арасында яшмындай тез яйыла. Шогъар гьалиги байлавлукъ алатлар болушлукъ эте. Март ай язбашны айы гьисаплана. Март айда табиат жанлана, жан-жанывар иссини геливюнден сююнюп терек башларда чарнама башлагъан.

Юртлу загьматчылар март айны геливю булан эрте авлакъ ишлеге гьазирлик гёре туруп айланагъан вакъти. Тек, март айны 12-13-нде бизин якълагъа гелген циклонну натижасында ара бёлмей явуп тургъан гючлю къар районубузну бир нече юртларында адамланы яшавлукъ уьйлерине, гётермелерине кёп зарал гелтирди.

Къалын къар районну юрт хозяй­ство тармагъына этген заралны гьасиллери гьали де токъташдырыла. Тек, ябыкъ топуракъда овошлар оьсдюрегенлеге, гьайван, тавукъ сакълайгъанлагъа уллу зараллар болгъан.

Районну юрт хозяйство тармагъына табии хатабалагьдан болгъан зарал гьакъда юрт хозяйство управлениени ёлбашчысы Шагьабутдин Мустапаев булай деди:

- Гёз де тийгендир, артдагъы йылларда, айрокъда эки-уьч йылны ичинде районну ватандашлары ябыкъ­ топуракъда овошлар болдурувда гёрмекли уьстюнлюклени къолда эте геле эди. Районда буссагьатгъы вакътиде 173,3 гектарда теплицаларыбыз бар. Тарихге гетген 2020-нчы йылда районда ябыкъ топуракъда 21 минг тондан къолай овошлар болдурулуп сатывгъа чыгъарылды.

2021-нчи йылда ябыкъ топуракъда овошлар оьсдюрюв булан машгъул ёлдашланы умутлары дагъы да уллу эди. Парниклерибизде овошланы тюшюмю бишме башлагъан, массовый кюйде тюшюм алгъан теплицалар бир мюгьлетни ичинде болгъан табии балагьдан уллу заралгъа тарыды.

Оьрде де эсгерип гетгеним йимик, районда 173,3 гектарда теплицалар бар.

Март айны 12-13-нде болгъан къалын къар 106,7 гектардагъы теплицалагъа зарал этген, мекенлешдирип айтгъанда, 58,4 гектардагъы теплицалар толу бузулгъан. 48,3 гектардагъы теплицаланы уьстюне ябылгъан плёнкасы йыртылгъан.

Ябыкъ топуракъда овошлар ­оьсдюрмек учун кёп харж гете. Демек, 1 гектар ердеги теплицада овошлар оьсдюрмек, къуллукъ этмек, бишив даражасына етишдирмек учун 3 миллион манатгъа ювукъ харж тарыкъ.

Бу йыл районда овошчуларыбыз ябыкъ топуракъда 15 минг тондан да къолай овош продукцияны тас эте. Табии хатабалагьны натижасында районну ябыкъ топуракъда овошлар оьсдюрюв булан машгъул ИП-леге, КФХ-лагъа, ЛПХ-лагъа 1 миллиард манатдан да къолай зарал болажакъ.

Табии хатабалагь районну гьайванчылыкъ, къушчулукъ тармакъларына да зарал этмей къоймады. Явгъан къалын къар себеп болуп, гьайванчылыкъ 8 бина бузулгъан.

Явгъан къалын къарны натижасында районну юрт хозяйство тармагъына болгъан заралны токъташдырмакъ, юрт хозяйство продукталар болдурувчулагъа гьукуматны янындан этилеген кёмеклеге тарыкълы кагъызланы онгарма районда жаваплы касбучулардан къурулгъан хас комиссия иш гёре.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

4