Меню
16+

Сетевое издание «Будни района»

19.03.2021 10:24 Пятница
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Белсенмесе болмажакъ

Автор: Шихав Къайирбеков

Март – эрте язбашгъы авлакъ ишлер чалтлашма башланагъан вакъти. Амма март айны 11-13-нде болгъан къалын къар авлакъ ишлени барышына аз болжалгъа тогъас салажакъ. Болса да, юртлу загьматчы бир мюгьлетге де авлакъ ишлени тергевден тюшюрмей.

Къышыбыз гезикли авлакъ ишлени къурумлу кюйде оьтгерме болушлукъ этди. Март айны биринчи 10 гюнлюгюнде районну емиш, юзюм бавларында, парниклерде загьмат гьаракат гюч ала юрюй эди.

Язбашны бир гюню йылны ашатар дегенлей, бары гюч авлакъ ишлени къурумлу оьтгеривге бакъдырылгъан.

Эрте язбашгъы авлакъ ишлени барышы гьакъда айта туруп, районну юрт хозяйство управлениесини ёлбашчысы Ш.Мустапаев булай деди:

- Бу йылны тюшюмю учун районну загьматчылары 5187 гектар майданлагъа язлыкъ оьсюмлюклер чачма тарыкъ. Къар явгъунча, демек, март айны башына районда язлыкълар чачмакъ учун 4155 гектар сюрюлген топуракъларыбыз бар. Бир-бир юрт хозяйство предприятиелер язлыкъ арпа, кёп йыллыкъ отлар чачма гиришгенлери де бар. Март айны башына 176 гектаргъа язлыкъ арпа, 28 гектаргъа люцерна чачылгъан.

Овошлар

Бизин районда ачыкъ топуракъда хыйлы майданлагъа овош ва бахча оьсюмлюклер чачыла. Бу йыл да овошчуларыбыз оьзге йыллардан кем болмагъан кюйде витамин продукция оьсдюрме къасткъылып ишлейлер. Парниклерде, теплицаларда овошланы гьар тюрлю жураларыны шитили оьсдюрюлюп тура.

Юзюмлюклерде

Борла – кёп къуллукъну талап этеген кёп йыллыкъ тюек. Юзюмчюлюк тармакъ булан машгъул сабанчы-фермер хозяйстволаны уьюрлерине, топуракъда айрыча доланагъан ёлдашлагъа участкада йылны не заманында да борлагъа къуллукъ этивде этме иш табыла.

Юзюмню мол тюшюмюне кюрчю салывда, тюекни уста кюйде бутавдан кёп зат гьасил болагъанын сынав исбатлагъан.

Районну юзюмчюлери онгайлы гюн­лерден пайдаланып, гезикли къуллукъланы кютюп юрютдюлер. Март айны баш гюнлерине 1436 гектардагъы юзюмлюклерибизни тюеги буталгъан. 907 гектардагъы юзюмлюклеге ремонт этилген. 1703 гектар юзюмлюклени чырхысы чыгъарылгъан, сыдра аралары сюрюлген, 206 гектарына культивация этилген.

Март айны 11-13-нде болгъан къар районну юрт хозяйство тармагъына уллу оьлчевлерде зарал гелтиргенден къайры да авлакъ ишлени барышына таъсир эте. Авлакъларда ятгъан къалын къар иримей, таймай къалмас, амма авлакълардан къар тайса да, дестине авлакъ ишлени кютме бажарылмажакъ.

Заман буса алгъасата, тюекге сув тюшгенче, юзюмчюлерибиз тюекни бутав ишлерин тамамламакъны гьайын этме тюшежек. Айрокъда байлав ишлени бюр тербенгинче тамамламакъ учун белсенмесе болмажакъ,- деди Ш.Мустапаев.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

2