Меню
16+

Сетевое издание "Району яшаву"  «Будни района»

15.03.2021 09:09 Понедельник
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Орус тилни айлыгъыны ачылыву

Гьели мактапда гьар предметни айлыгъына гёре чаралар оьтгериле. Гезикли шолай чара орус тил ва адабиятдан дарс береген муаллим Алиева Исбаниятны сиптечилиги булан оьтгерилди.

Чара орус тилге багъышлангъан айтыв­лар, тамгазетлер, лозунг­лар булан безендирилген эди. Чарада уллу класланы ёлбашчылары, орус тилден дарс береген муаллимлер Н.Алиева, Н.Исакъова, С.Алибекова, школаны тар­бия якъдан завучу Р.Ягьияева, китапхананы ёлбашчысы Л.Абдусамалова, Б.Да­ву­това, Р.Алибекова ортакъ­чылыкъ этдилер. И.Алиева чарада ортакъчылыкъ этгенлени орус тилни айлыгъыны ачылыву булан къутлап, орус тил де ана тилибиз йимик агьамиятлы экенни эсгерди. Орус шаирлени, язывчуланы гьакъында тындырыкълы кюйде хабарлады. Сонг чараны юрютюв­чюлери – 8-нчи «б» класны охувчу къызы Д.Догеева, 9-нчу «б» класны охувчу къызы Р.Ибадуллаева 5-нчи класланы яшларына гезиклетип сёз берди. 5-нчи класланы охувчулары Мугьутдинов, Батырмурзаев, Къадирова, Ягьияева, Агаев, Ягьияева, Агьматова, Даниялова орус тилге багъышлангъан шиърулар охудулар. Камилова, Жаватова, Гьамитова, Агаева Сабир Абдулла язгъан «Оху орус тилни» деген шиърусун ташдырып охуду.

Охувчулар Мугьут­динова, Ма­гьамматова, Салавутдинова, Къурбанова, Акавова, Исмайылова, Асадуллаева, Камилова муаллимлени орус тилден дарс береген кююн сагьналашдырып гёрсетди. Х.Губеева, Р.Ибадуллаева, Р.Салавова, Р.Акаева орус адабиятдан дарс береген муаллимлени сагьналашдырды.

Чараны ахырында сёйлеген Р.Ягьияева чараны бары да ортакъчыларына баракалла билдирди, къайда охума тюшсе де, орус тил булан сёйлемесе бажарылмайгъанны англатды.

Л.Абдусаламова, Гьели мактапны китап­хананы ёлбашчысы

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

4