Комиссияны генгеши
Алдагъы гюнлерде районну администрациясыны гьакъылбалыкъ болмагъан яшлагъа ва оланы ихтиярларына къарайгъан хас комиссиясыны гезикли генгеши оьтгерилди. Генгешни эсгерилген комиссияны ёлбашчысы, район администрацияны башчысыны орунбасары Магьаммагьанипа Зугьумов ачды ва юрютдю.
Комиссияны генгешинде Къарабудагъгент район больницаны баш врачыны орунбасары Р.Ягьияев, Къарабудагъгент РОВД-ни гьакъылбалыкъ болмагъан яшлагъа къарайгъан инспектору С.Мутдагьиров ва ДР-ни Муфтиятыны Къарабудагъгент райондагъы вакили К.Шигьмуратов докладлар булан сёйледилер.
Олар оьзлени сёйлевлеринде ички, наркотик ва гьакъылын алышдырагъан алатланы къоллайгъан яшёрюмлени аян этив, гьисапгъа алыв ва оланы савлугъуна тергев берив гьакъда баянлыкълар булан сёйледилер.
Комиссия оьзюню генгешинде оьрде эсгерилген чараланы гючлендирмек ва артдырмакъ учун англатыв ишни узатмагъа борчлар салгъан.
Олай да, оьтгерилген генгешни барышында комиссия гьакъылбалыкъ болмагъан яшланы уьстюнден гелген административ материаллагъа къарагъан ва шолагъа гёре гьукмуларын къабул этген.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
