Меню
16+

Сетевое издание «Будни района»

05.02.2021 09:19 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Чара оьтгерилди

Автор: Нюрсагьадат Изамутдинова

Алдагъы гюнлерде, демек, январ айны 20-нда, Къарабудагъгент районну Дёргели 2 номерли орта школасыны эл-ахтарыв музейинде ДАССР къурулгъанлы 100 йыллыкъ юбилейине багъышлангъан чара оьтгерилди. Чараны аслу мурады – охувчуланы Дагъыстанны тюрлю миллетлерини адатларына уьйретмек, шо гьакъда оланы билимлерин артдырмакъ эди.

Чарада Дёргели юрт администрацияны башчысы Гьамзат Мурзаев, район администрацияны социал сиясат управлениесини ёлбашчысы, районну къатынларыны советини председатели Гюлжанат Темирова, районда маданиятны, туризм­ни ва яшёрюмлени бёлюгюню ёлбашчысы Найида Мурзаева, район билим берив управлениесинден ИМЦ-ни методистлери Нурият Салаватова ва Нюрлюгьаят Гебекова, олай да, оьзге къонакълар ортакъчылыгъын болдурду.

Чараны барышында сё­з берилген къонакълар охувчуланы ва муаллимлени ДАССР-ни 100 йыллыгъы булан къутлап, кёп яхшылыкълар ёрады. Олай да, ДАССР-ни къурулуву, тарихи гьакъда маъналы лакъырлашывлар оьтгерилди.

Сонг сёз берилген охувчулар Дагъыстангъа багъышлангъан шиъруланы гёнгюнден охуду, йырлар йырлады, алдынгъы адатлагъа гёре юрюлеген къумукъ тойну, яшны бешик­ге салагъан кюйлени сагь­налашдырды.

Къонакълар: Къарабудагъ­гент юртну А.Къаплановну атындагъы хорну ёлбашчысы Аскендер Исрапилов, маданият уьюню йыравлары Абдулазим Найипханов, Ругьубият Абдулхаликова, Насир Къаранаев оьзлени чыгъышларын гёрсетди. Гелгенлени «уьйесилер» арив милли ашлар булан къонакъ этди.

Чараны ахырында эсделик суратлар чыгъарылды.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

8