Меню
16+

Сетевое издание «Будни района»

05.02.2021 09:23 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

70 адамгъа вакцина этилген

Автор: Багьавутдин Самадов

Белгили кюйде, коронавирус аврувну алдын алмакъ учун Россияда адамлагъа вакцина этилмеге башлангъан. Шо гьакъда 2021-нчи йылны башында Россияны Президенти Владимир Путин билдирив этди.

Шоллукъда, РФ-ни оьз­ге регионларында йимик, Дагъыстанда да вакцина этилмеге башлангъаны бир нече гюнлер бола. Алдагъы гюнлерде Къарабудагъгент районну гьакимбашы Магьмут Амиралиев ва оьзге жаваплы къуллукъчулар Избербаш шагьар больницада вакцина этдирдилер.

РФ-ни Президенти В. Путинни буйругъун яшавгъа чыгъармакъ муратда РФ-ни савлукъ сакълав министерлиги ва Росздравнадзор адамланы коронавирус аврувдан вакцина этмек учун къарар къабул этген. Шо къараргъа гёре, Къарабудагъгент район больницада да адамлагъа вакцина этив башлангъан ва шо иш узатылып тура.

Къарабудагъгент район больницада вакцина этивню гьакъындагъы баян­лыкъланы эсгерилген медицина идараны ёлбашчысыны орунбасары, поликлиниканы ёлбашчысы Гюлженнет Расулова берген.

Ону сёзлерине гёре, вакцинаны этмек учун терапевт К. Магьамматова ва медицина профилактика врач З. Магь­­мутова бел­ги­ленген. Район больницагъа 1-нчи компонент учун 20 къутукъ вакцина гелген. Шолардан 100 оьлчев (доза) вакцина бола. Олай да, 2-нчи компонент учун дагъы да 20 къутукъ вакцина гелген. Шолардан да 100 оьлчев (доза) вакцина болажакъ.

Олай да, Г. Расулованы маълуматларына гёре, вакцинаны этгинче, терапевт адамгъа къарай, ол анализлер бере. Бугюн-буссагьат Къарабудагъгент ЦРБ-ге вакцинаны этдирмек учун 578 адам ­оьзлени анализлерин берген ва олагъа тергевлер этилген.

Шо тергевлер этилгенлени кёбюсю медицина къуллукъчулар, район администрацияны вакиллери, ихтияр якълав къурумланы къуллукъчулары, школаланы муаллимлери, яшлар бавланы тарбиялачулары ва оьзге идараланы ишчилери деп, эсгере Г. Расулова.

Тергев болдурулгъан адамланы 70-ине вакцина этилген. Къалгъанларына медицина къуллукъчулар укол этмекни гери ургъан. Олагъа дагъы да айрыча тергев этилежек. Укол этилген адамланы савлугъуну гьалы шо кюйде, демек, оланы къаркъарасына зарал болмагъан деп, баянлыкълар бере Къарабудагъгент район больницаны ёлбашчысыны орунбасары, поликлиниканы ёлбашчысы Г.Расулова.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

5