Меню
16+

Сетевое издание "Району яшаву"  «Будни района»

26.02.2021 10:27 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Яшлар бавларында...

Автор: Нюрсагьадат Изамутдинова

Къарабудагъгент районну юртларындагъы школа чагъына етишмеген яшлар тарбияланагъан ожакъларында барысында да дегенлей, Ватанны якълавчусуну гюнюне багъышланып байрам чаралар оьтгерилген.

Шо чараланы оьтгеривню аслу мурады гиччипавланы байрам чараларда актив кюйде ортакъчылыкъ этмеге, аталагъа, уллаталагъа гьюрметли болмагъа, олагъа савгъатлар этмеге уьйретмеге, оланы патриот ругьда тарбияламагъа, элин, юртун сюймеге уьйретмек болуп токътай. Уллулар гиччипавланы уллу эргишилерден уьлгю алма уьйретегенден къайры да, олар гележекде элини якълавчулары, агьлюню сакълавчулары экенни англатып ва билдирип, шогъар гёре олагъа тарбия бермеге герек.

Шолай маъналы байрам чараларда яшлар кёп сююп ортакъчылыкъ эте, кёп замангъа эсинде сакълай.

23-нчю февральгъа, демек, Ватанны якълавчусуну гюнюне, багъышлангъан чаралар Къарабудагъгент юртдагъы «Юлдуз» ва «Бекенез» яшлар бавларында, Губден юртдагъы «Волшебник» ва «Анжи» деген, Агъачавулдагъы «Звездочка», Къакъашурадагъы “Улыбка” деген ва башгъа яшлар бавларында да ­оьтгерилген.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

5