Меню
16+

Сетевое издание «Будни района»

26.02.2021 10:30 Пятница
Категории (2):
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Тапшурувлар берди

Февраль айны 18-нде «Къарабудагъгент район» муниципал къурулувуну башчысы Магьмут Амиралиевни кабинетинде Къарабу­дагъгент районда милли проектлени яшавгъа чыгъарыв ишлер гьакъдагъы масъалагъа гёре генгеш оьтгерилди.

Генгешни ачгъан ва юрютген районну башчысы М.Амиралиев милли проектлени яшавгъа чыгъармакъ учун гетген йыл кёп иш этилгени гьакъда айтды. Этилген ишлени эсгере туруп, ол бу янгы , демек, 2021-нчи йылда шо иш дагъы да кёп болгъанын англатды ва генгешни бары да ортакъчыларын проектлени ишин юрютювге жавапчылыкъ булан янашмагъа чакъырды.

Генгешни ишинде районну башчысы ерли муниципал къурулувланы башчыларына февраль айны 28-ине юртларда сув болдурув объектлени проектлерин онгарывда тарыкълы документлени гьазиринде битдирме, олай да билим берив охув ожакъларда ва яшлар бавларында да сув булан таъмин этив масъалагъа байлавлу ихтияр береген кагъыз-документлени гьазирлеп онгарма герегин англатды ва тапшурувлар берди. «Къарабудагъгент район» муниципал районну администрациясыны архитектура ва къурув бёлюгюню ёлбашчысы Абдулла Гьажиевге юртланы ва школаланы, яшлар бавланы сув булан таъмин этеген объектлени проектлерин тезликде битдирмеге тапшурду.

«Къарабудагъгент район» муниципал районну башчысыны орунбасары Жалалутдин Жамалутдиновгъа бузукъ гьалы булангъы (аварийный) Аданакъ, Къакъамахи, Зеленоморск орта школаланы хас документлерин 2021-нчи йылны февраль айыны 28-ине гьазир этмеге тапшурду.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

5