Спортчуланы уьстюнлюгю
Февраль айны 12-синден 14-юне ерли Ставропол шагьарда, 2008-2009,2010-2011, 2012-2013-нчю йылларда тувгъан яш кочапланы арасында тутушуп ябушувдан Ставрополда биринчилик учунгъу ачыкъ ярышлар юрюлген.
Къарабудагъгент ДЮСШ-де тренерлер Магьамматамин Салаватовну ва Камал Магьамматовну алдында ябушувланы къайдаларына уьйренип юрюйген яш кочапларыны бир нечелери оьрде эсгерилген ярышларда ортакъчылыкъ этгенлер. Шоланы арасындан 22 кило авурлукъда ябушгъан Алжанбек Къамалиев оьзюню авурлугъундагъы яш кочаплар булан гюч сынап, 2-нчи ерни къазанма бажаргъан. Шо авурлукъда ябушгъан Гьамзат Мамасиев буса 3-нчю ерге ес болгъан. 35 кило авурлукъдагъылар булан гюч сынагъан Муталим Муталимов да шо ярышларда 3-нчю ерни алгъан. Уьстюнлюклеге биринчи абатларын алмагъа башлагъан яш кочапланы ва оланы тарбиялап, ябушувлагъа уьйретип юрюйген тренерлени ярышларда етишген уьстюнлюклери булан къутлайбыз.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
