Меню
16+

Сетевое издание «Будни района»

26.02.2021 08:49 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Шатлы ёлугъув

Автор: Калимат Элмурзаева

Февраль айны 21-нде ана тиллени сакъламакъ муратда Ана тилни Халкъара гюню белгилене.

Ватандашлар гиччиден башлап оьзлени ана тилин билмеге, уьйренмеге герек.

Алдагъы гюн, февраль айны 15-нде, Къарабудагъгент 3 номерли орта школада Ана тилни Халкъара гюнюне багъышланып шатлы чара оьтгерилди. Шо шатлыкъгъа Къарабудагъгент районну тамазаларыны Советини председатели Абдулгьамит Мамагишиев ва «Районну яшаву» газетни редакторуну орунбасары, шаир ва журналист Багьавутдин Самадов къонакъ гьисапда чакъырылгъан эди.

Оьтгерилген чараны аслу мурады охувчуланы бизин райондагъы шаирлени яратывчулугъу булан таныш этмек ва ана тилин аямагъа, билмеге ва унутмагъа ярамайгъанны гьакъында англатмакъ эди.

Чараны ача туруп, Къарабудагъгент 3 номерли орта школаны башлапгъы класларыны завучу Жамиля Гьюсейнова жыйылгъанланы журналист ва шаир Багьавутдин Самадовну яратывчулукъ ёлу булан таныш этди.

Чараны барышында башлапгъы класланы охувчу яшлары Багьавутдин Самадовну шиъруларын чебер кюйде охудулар.

Сёз берилген Къарабудагъгент 3 номерли орта школаны ана тиллерден дарс береген муаллими Написат Сайитова ва Баш китапхананы къуллукъчулары Багьавутдин Самадовну яратывчулугъуну гьакъында тындырыкълы кюйде хабарладылар.

Шатлы чарада чыгъып сёйлеген Къарабудагъгент районну тамазаларыны Советини председатели Абдулгьамит Мамагишиев бизин ана тилибизни сёнмеге къоймай, оьсюп гелеген наслугъа уьйретмеге герекни гьакъында жыйылгъанлагъа айтды ва школаны муаллимлерине пайдалы чараны оьтгергени саялы бар акалла билдирди.

Шатлы чарада сёйлеген Къарабудагъгент 3 номерли орта школаны ёлбашчысы Гюлжанат Зайнутдинова чакъырылып гелген къонакълагъа школаны коллективини атындан баракалла билдирди.

Сонг да,шаир ва журналист Багьавутдин Самадов школаны ёлбашчысына, муаллимлерине ва охувчу яшларына баракалла билдире туруп, ана тилин билмеге ва сюймеге чакъырды.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

3