Инг яхшы муаллим
Къарабудагъгент район билим берив управлениесини 2021-нчи йылны январ айыны 21-ндеги 14 номерли буйругъуна гёре, ана тилни агьамиятлыгъын оьрге гётерив, охувчуланы ана тилге бакъгъан якъдагъы сюювюн артдырыв, олай да ана тилден дарс береген муаллимлерин якълав ва иштагьландырыв муратда февраль айны 9-ндан 18-и ерли «Ана тилни инг яхшы муаллими» деген конкурсну муниципал этабы оьтгерилди.
Аслу гьалда, бу конкурс гьар йыл къумукъ ва дарги тиллерден юрюле. Бу йыл къумукъ тилде «Ана тилни инг яхшы муаллими» деген конкурсда районну 4 муаллими ортакъчылыгъын болдургъан. Дарги тилден буса бир муаллим де ортакъчылыкъ этмеген.
Дёрт де муаллим февраль айны 15-нде оьтгерилген биринчи этапдан оьтген.
Конкурсну экинчи этабына гёре, олар 18-19-нчу февральда Къарабудагъгент 2 номерли орта школада ва гимназияда ачыкъ дарслар оьтгерген.
Жюрини гьасиллерине гёре, Лайла Гьабилляева 1-нчи ерни алгъан, Гюлжанат Тонаева, Русайдат Салаватова Магьамматовна 2-нчи, Марьям Агьатова 3-нчю ерлеге ес болгъанлар.
Ажей Мамаева, билим берив управлениесини баш касбучусу
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
