Меню
16+

Сетевое издание «Будни района»

26.02.2021 09:26 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Имканлыкълардан пайдаланып

Дагъыстан республиканы юрт хозяйство ва ашамлыкъ Министерлиги СПОК-ланы материал-техника оьсювюне болушлукъ этмек муратда харж якъдан якълав эте.

Бир кооперативге берилеген акъчаны къадары 70 миллион манат, тек кооперативни материал-техника базасын оьсдюрмек учун гетген харжлар 60 процентден арт­ма болмай.

Бизин районда «Бекенез» деген «СПОК» 2019-нчу йылда грантгъа ес болмакъ учун конкурсда оратакъ­чылыкъ этип уьст болгъан, ва емлер гьазирлейген завод къурма башлагъан.

Гетген жума районну юрт хозяйсто управлениесини касбучулары къурулушну барышын ва гёрсетил­ген акъча маяланы къыйышывлу къоллавун тергей туруп еринде болгъанлар.

«Бекенез» СПОК грантны ва оьзюню харжлары булан тири емлер сакъланагъан ва къошулчан емлер гьазирлейген завод къурма башлагъан. Булай завод Дагъыстанда буссагьатгъы вакътиде биргине-бир Ногъай районда бар.

Ондан къайры да кооператив эки юк ташыйгъан техника, бир ашлыкъ ва оьзге емлер ташыйгъан прицеп алгъан.

Емлени бу къайдада гьазирлев ону сан янын, гьайванны къаркъарасына югъунчлугъу, татывлулугъу бир къадар арта, ферментлени активлиги гётериле, емлер яхшы сакълана.

Бизин районда экструдированный емлер гьазирлейген завод пайдаландырывгъа берилген сонг, кооперативни уьюрлерине ва районну оьзге гьайванчыларына райондан тышгъари чыкъмай югъунчлу, оьр сортлу емлер алма ва узакъгъа сакълама имканлыкъ яратылажакъ.

Оьрде эсгерилген завод «Къакъашура юрт совет» муниципал къурулувну топуракъларында «Зеликъакъа» участкада къурула.

Бизин районну топурагъында къурулагъан экструдированный емлер гьазирлейген заводну къурулушун бу йылны ахырына тамамлама ва пайдаландырывгъа берме гёз алгъа тутулгъан.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

2