Меню
16+

Сетевое издание «Будни района»

26.02.2021 10:32 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Игитлени эсделигин сакълайыкъ

23-нчю февральда бизин элибизде Ватанны якълавчусуну гюню белгилене. Шо гюн асгер къуллукъ борчун кютгенлеге, буссагьат кютюп турагъанлагъа ва гележекде элини къуллугъун кютежеклеге гьюрмет ва абур этиле, олагъа лайыкълы сёзлер айтыла.

Шоллукъда, февраль айны 23-нде Къарабудагъгент юртдагъы Уллубий Буйнакскийни атындагъы ял алагъан бавда Ватанны якълавчусуну гюнюне багъышлангъан чара оьтгерилди. Чараны барышында Уллу ватан давда къурбан болгъанланы эсделигине гюллер салынды ва митинг оьтгерилди.

Демек, чарада районну гьакимбашы Магьмут Амиралиев, районну депутатларыны Жыйыныны башчысы Адил Салаватов, районну башчысыны 1-нчи орунбасары Ибрагьим Абдулмежитов, Къарабудагъгент юртну башчысы Магьамматсолтан Гьасанов, районну къатынларыны ва тамазаларыны советлерини ёлбашчылары Гюлжанат Темирова ва Абдулгьамит Мамагишиев, районну спорт ва физкультура бёлюгюню ёлбашчысы Завур Умаракъаев, Къарабудагъгент тарих-эл ахтарыв музейини ёлбашчысы Ханза Алиева ва районну яшёрюмлерини парламентини вакиллери гьаракатчы кюйде оьзлени ортакъчылыгъын болдурдулар.

«Бугюн биз Ватаныбызны аманлыгъын сакълайгъан, бизге парахатлыкъны болдурагъан якълавчуларбызны эсге алабыз ва олагъа абур этебиз. Олай да, ана Ватанын якълавда къурбан болгъанланы бизге бир де унутмагъа ярамай. Олар бизин ярыкъ ва насипли гележегибиз учун оьзлени жанларын аямагъан. Районну бары да халкъын Ватанны якълавчусуну гюню булан къутлайман ва парахатлыкъ, насип, кёп яхшылыкълар ёрайман», — деди районну башчысы Магьмут Амиралиев оьзюню къутлав сёзюнде.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

2