Меню
16+

Сетевое издание «Будни района»

26.02.2021 09:13 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Биринчилик учун

Автор: Абдуллабек Самадов

Февраль айны 20-сында Бабаюртда 15-17, 18-20 йыл болагъан юниорланы арасында авур атлетикадан Дагъыстанда биринчилик учунгъу ярышлар оьтгерилген. Юрюлген шо ярышларда республиканы гьар тюрлю районларындан жыйылгъан 150-ден де артыкъ атлетлери ортакъчылыкъ этгенлер. Эсгерилген шо ярышларда бизин райондан барып ортакъчылыгъын болдургъан штангистлерибиз де яхшы натижалар гёрсетме бажаргъанлар.

Шоланы арасындан 41 кило авурлукъ категорияда ортакъчылыкъ этген къарабудагъгентли Жамал Шамсутдинов 1-нчи ерни (тренери СССР-ни спортуну устасы Абузагьир Исрапилов), къарабудагъгентли 67 кило авурлукъда ортакъчылыкъ этген Амирхан Ильясов талпынывда 90 килону, теберивде (толчок) буса 110 кило авурлукъну гётерип, КМС-ни нормасын толтургъан ва 2-нчи ерни алгъан (тренери Абузагьир Исрапилов). Паравуллу атлетлер Арсанали Абдулманапов 109 кило авурлукъда ортакъчылыкъ этип 1-нчи, 102 килода ортакъчылыкъ этген Умар Мамасиев де 1-нчи ерлени алгъанлар. 89 кило авурлукъда ортакъчылыкъ этген Мухаммат Герейханов буса шо ярышларда 2-нчи ерге ес болгъан (оланы тренери Р.Темирбеков).

Ярышны алдынлылары барысы да кубоклар, медаллар, грамоталар булан савгъатлангъанлар.

Авур атлетикадан Дагъыстанда биринчилик учунгъу ярышланы алдынлыларын ва оланы тренерлерин етишген гезикли уьстюнлюклери булан къутлайбыз!

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

3