Грамоталар тапшурулду
Алдагъы гюн, февраль айны 11-нде, Къарабудагъгент районну башчысыны орунбасары Жалалутдин Жамалутдинов оьзюню кабинетинде «Учитель года-2021» деген республика конкурсну муниципал этабыны алдынлыларын грамоталар булан савгъатлады.
Демек, конкурсну гьасиллерине гёре, 1-нчи ерни Паравул 3 номерли орта школаны муаллими Зайира Омарова (башлапгъы класланы муаллими), 2-нчи ерлени Райсат Алхасова (Къарабудагъгент 2 номерли орта школа) ва Нарипат Гьюсейнова (Къарабудагъгент гимназия), 3-нчю ерге Жамиля Патахова, (Къарабудагъгент 3 номерли орта школа) ес болгъан. Жалалутдин Жамалутдинов муаллимлени къутлай туруп, олагъа ишинде уллу оьрлюклер, уьстюнлюклер ва республика даражада да алдынлы ерлеге ес болмакъны ёрады.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
