Меню
16+

Сетевое издание «Будни района»

19.02.2021 11:29 Пятница
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Адамлар бирче вакцина этдирмеге тарыкъ...

Къарабудагъгент районну гьюрметли ватандашлары!

Районда коронавирус аврувну яйылывуну алдын алмакъ, ону токътатмакъ муратда вакцина этив юрюле. Вакцинация этив бары да халкъны бирче коронавирус аврувгъа къаршы иммунитетин, демек, къаркъарасын югъагъан аврувгъа къаршы турмагъа гьюнерин гётере.

Вакцина 18 йыл битмеген яшлагъа, яшгъа токътагъан ва яш ичиреген къатынгишилеге, башгъа тюрлю сувукъ тийген, онкология ва тюрлю узакълашгъан аврувлары хозгъалгъан адамлагъа этилинмей.

Вакцина этилгинче, врач пациентни толу кюйде тергеме, не аврувлары барны билме герек. Сонг огъар ярай буса, башлап вакцинаны биринчи компоненти, арадан 21 гюн гетген сонг буса, экинчиси де этиле.

Биринчи компонент этилгенде, уколгъа адамны реакциясы бола, демек, температурасы гётериле – шо адамны гьалына ону къаркъарасыны жавапланыву, таъсирленивю болуп токътай, адамны къаркъарасы вакцинагъа къаршылыкъ билдирегенин, ону гьюнери (иммунитети) гётерилегенин англата. Адамны къаркъарасы аврувгъа къаршы «антитела» чыгъарма ва ишлеме башлай, экинчи уколдан сонг, шо «антителаланы» гючю дагъы да кёп бола.

Мен оьзюм де коронавирусгъа къаршы вакцина этдиргенмен. Тек гьалым олай алышынмады, ишге де юрюп турдум, билдирип авруйгъан ерим де болмады.

«Спутник V» вакцинаны гьакъында башгъа пачалыкъларда да гюнден-гюн яхшы айтыла. Бизин препарат «Lancet» деген белгили халкъара медицина журналда да яхшы къыйматлангъан.

Коронавирус аврувну яйылывун токътатмакъ учун кёп ­халкъгъа бирче вакцина этилинме, демек, коллектив иммунитет болдурулма тарыкъ.

Эсге салайым: 1978-нчи йылдан берли «натуральная оспа» аврувдан дюньяда бирев де аврумагъан. Шо буса дюньяны халкъыны коллектив иммунитети болдурулгъанны исбат эте.

Мен сизин барыгъызны да коронавирусгъа къаршы вакцина этдирмеге чакъыраман, шолайлыкъда, биз шону яйылывун токътатма болажакъбыз, айрокъда уллуланы арасында. Оьзюгюзню де, агьлюгюздегилени де аврувдан къоруп сакъламакъны гьайын этигиз!

Марат Курмалиев, Къарабудагъгент район ЦРБ-ни инфекция бёлюгюню заведующийи

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

4