Меню
16+

Сетевое издание "Району яшаву"  «Будни района»

12.02.2021 10:16 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Районну юртларыны тазалыгъыны гьайы этилине

Автор: Шихав Къайирбеков

Февраль айны 8-нде район администрацияны жыйынлар оьтгерилеген залында «Къарабудагъгент район» муниципал районну башчысы Магьмут Амиралиев юртланы башчылары булан юртланы санитар гьалына байлавлу чара оьтгерди.

Чарада Россияны ОМВД-ни бизин райондагъы бёлюгюню ёлбашчысы Герей Гереев, «Къарабудагъгент ДЭП-17» АО- ну баш инжинери Болат Муташев, «Даг-Эко-дом» ООО-ну вакили Камил Муратов ёлдашлар ортакъчылыгъын болдурдулар.

Чараны гиришив сёз булан районну башчысы М.Амиралиев ачды ва юрютдю. Ол оьзюню сёйлевюнде районда тазалыкъны болдурмакъ муратда, юртланы санитар гьалын яхшылашдыра туруп этилген ишлени юзюн ачды. М.Амиралиев оьзюню сёйлевюню барышында районда коммунал отходланы, нас-алагъожаны жыймакъ учун районда 12 единица техника, шоланы 7-иси нас ташыйгъан хас транспорт, 1-бульдозер «Т-130», нас юклейген «Беларусь» ва башгъалары къуршалгъанын ачыкъ­лашдырды.

Районну бары да юртларында топланагъан нас-алагъожаны ташымакъ учун 2021-нчи йылда 6 хас техника сатып алма гёз алгъа тутулгъанын ачыкъ этди. Ондан къайры да районну башчысы М.Амиралиев республикада биринчилерден болуп бизин районда медицина ва биология отходланы утил этмек учун инсинератор къурашдырылгъанын ва пайдаландырывгъа берилгенин де эсгерди.

Чараны ахырында районну башчысы М.Амиралиев полицияны район бёлюгюне гёрсетилмеген ерлеге нас-алагъожа тёгювню алдын алмакъ муратда юртларда рейдлер оьтгерме таклиф этди. К.Муратовгъа полицияны район бёлюкню къуллукъчулары булан бирликде тавукълар, уллу ва увакъ мююзлю гьайванлар соягъан цехлени тергеп, биология отходланы гёрсетилген хас ерлеге етишдирмек муратда дыгъарлар этмеге тапшурувлар берди.

Къарабудагъгент ДЭП-17-ни коллективине республика агьамияты булангъы сылама ёлланы бойларындагъы нас-алагъожаны жыйывну давам этме таклиф этди.

Юртланы башчыларына гёрсетилмеген ерлеге нас ташлангъан ерлени токъташдырма, ону алдын алма ва бегитме, 2 айны ичинде ерлерде нас ташламакъ учун таман даражада контейнер салма, заманлыкъгъа уллу къурулуш нас-алагъожаны тёкме ер гёрсетме, районну школаларында айлана якъны тазалавну болдурма тапшурувлар берилди.

Юртларыбызны санитар гьалын, гёзеллигин, тазалыгъын болдурувда юртланы жамиятлары да оьз къошумун этме тарыкъ. Гьар адам оьзлени къабакъ алдын, орамын таза сакъласа, эртен-ахшам сибирсе, сув сепсе, авлетлерине нас-алагъожаны гёрсетилген ерлеге тёкме тарыгъын англатса, шо биринчи абат болур.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

4