Меню
16+

Сетевое издание "Району яшаву"  «Будни района»

30.12.2021 10:32 Четверг
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Кюйлевючлени агьамиятын унутма тюшмей

Автор: Шихав Къайирбеков

Топуракъланы структурасын яхшылашдырывда, оьсюмлюклерден алынагъан гелимлени къадарын артдырывда ерли ва минерал кюйлевючлени ролюн ва агьамиятлылыгъын алдынлы загьмат коллективлер оьзлени натижалары булан тезден ташдыргъан.

Алдагъы девюрде топуракъланы гьалын, моллугъун гётермек учун авлакълагъа агрономия гёрсетеген къадарда ерли кюйлевючлер чыгъарыла эди. Уллу наслуну яхшы эсиндедир, ишлени ансат гюз, къыш айларында ерлерде, мунда хозяйстволарда моллукъну отрядлары ишлей эди. Булай отрядлагъа къуршалгъан механизаторланы, оьзге касбучуланы гьаракаты ва къайратлы загьматы булан авлакълагъа нечесе минг тонлар булан ерли кюйлевючлер чыгъарыла эди.

Янгыртып къурулув, демократия алмашынывланы девюрюнде де юрт хозяйствода ерли кюйлевючлени агьамиятлылыгъы артса тюгюл кемимеген.

Уьстевюне, минерал кюйлевюч­лени багьалары токътавсуз кюйде артып юрюйген заманларда юрт хозяйство продукталар болдурувда, болдурулгъан продукцияны оьзюне токътайгъан багьасын учуз этме айланса яхшы болур. Авлакълагъа ерли кюйлевючлер чыгъарыв, кёп йыллыкъ оьсюмлюклер чачылгъан участкаланы ерли кюйлевючлер булан азыкъландырыв шо гьаракатда биринчи абат.

Районда авлакълагъа таман даражада ерли кюйлевючлер чыгъарма имканлыкълар бармы?

Айтып къояйыкъ, статистика далиллени гёзден гечирсек, ерлерде алдан эсе гьали сакъланагъан уллу ва гиччи мююзлю гьайванланы, жанланы санаву кёп болса тюгюл, аз тюгюл. Шолай болгъанда ерлерде топлангъан ерли кюйлевючлени къадары да кёп..

Районда юртхозяйство продукталар болдурувда ерли ва минерал кюйлевючлени агьамиятлылыгъын гьисапгъа алып ишлесе яхшы болур. «Барлар хадирин билмей, ёкълар излеп табып болмай»-дегенлей, хоншу Лаваша, Акъуша районланы халкъы бизин райондан ерли кюйлевючлени сатып алып, ташып авлакъларына тёгюп, мол гелимлер алагъанын гёрюп турабыз.

Шо саялы бизин районну фермерлери де топуракъланы ерли, минерал кюйлевючлер булан азыкъ­ландырмакъны чарасын гёрсе, мол тюшюмлеге кюрчю салывда утдуруш болмас.

Мен янгы йылны алдында район газетде ортакъчылыкъ этегенимден пайдаланып районну юрт хозяйство тармагъыны къуллукъчуларын Янгы йыл булан къутлайман. Янгы йылда барыгъызны да юреклеригизге тутгъан умутларыгъызгъа, негетлеригизге етме насип болсун!

районну баш агрохимиги

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

4