Ушу-саньдистлерибизни уьстюнлюклери
Ноябр айны 13-ден 16-сы болгъунча уьлкебизни тах шагьары Москвада уллуланы арасында спортну ушу-саньда журасындан Россияны кубогу учун, ондан къайры да, яшёрюмлени арасында Бютюнроссия турнир оьтдю. Шо ярышларда бизин районну кочаплары яхшы гьасиллер гёрсетдилер.
Къарабудагъгент ДЮСШ-ни тарбиялавчулары Бютюнроссия турнирде къазангъан ерлер:
52 кило авурлукъда, 13-14 йыллыкъ яшёрюмлени арасында Гебек Гебеков 1-нчи ерге ес болгъан.
60 кило авурлукъда 17-18 йыл оьмюрдегилени арасында Зиявутдин Къазакъбиев 1-нчи ерге ес болгъан. Кочапларыбызны тренерлери Уллубий Гьалимов ва Болат Гьажиев.
Бютюнроссия турнирде Губден юртну ДЮСШ-ни уьюрлери къазангъан ерлер:
42 кило авурлукъда, 13-14 йыллыкъ чагъындагъы яшёрюмлени арасында Акрам Магьамматов 1-нчи;
45 кило авурлукъда, шо оьмюрдеги спортчуланы арасында Мугьамматсолтан Адаев 1-нчи;
85 кило авурлукъда, 13-14 йыллыкъ яшёрюмлени арасында Хизри Абутов 1-нчи; шо авурлукъда, амма 17-18 йыллыкъ жагьиллени арасында Мугьамматхабиб Жаппаров 1-нчи ерлеге ес болгъанлар.
Россияны кубогу учунгъу ярышларда:
60 кило авурлукъда Солтан Гьасанов – 1-нчи; 90 кило авурлукъда Мугьамматзагьит Исаев 1-нчи; 70 кило авурлукъда Абубакар Жангишиев – 3-нчю; 85 кило авурлукъда Загьир Абдуллаев – 3-нчю ерлени къазангъанлар.
Кочапланы тренери Магьамматали Магьамматов.
Ярышланы алдынлыларын, призерларын ва оланы тренерлерин етишген уьстюнлюклери булан гьакъ юрекден къутлайбыз, гележек спорт ярышларда да алдынлы ерлени къазанма насип ёрайбыз.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
