Меню
16+

Сетевое издание "Району яшаву"  «Будни района»

24.12.2021 09:41 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

«Вакцинаны этдиригиз!»

45 йыл педагогика стажы булангъы Гьели орта школаны охув бёлюгюню завучу Исбаният Алиева коронавирус аврувгъа къаршы этилеген «Спутник V» вакцинаны эки де компонентин алгъан.

«Мен яшлар булан школада ишлейгеним 45 йылдан къолай бола. Биз яшлагъа янгыз билим ва тарбия бермеге герек тюгюлбюз. Биз оланы савлугъун да сакъламагъа борчлубуз.

Артдагъы 2 йылны ичинде савлай дюнья ва элибизни халкъы коронавирус аврув булан яшавубузну узатып турабыз. 2020-нчы йылда бизин докторларыбыз шо аврув булан авруйгъан адамланы сав этмек муратда дарманлар, уколлар ва таза гьава къоллай эди. Кёбюсю гезиклерде шолар етишмейли, хыйлы адамлар чакъсыз дюньядан гетди.

Бизин насибибизге, йылны башында элибизни алимлери ва докторлары коронавирус аврувгъа къаршы бир нече тюрлю вакцина этмеге бажардылар. Мен оьзюм «Спутник V» деген вакцинаны эки де компонентин алгъанман ва ­оьзюмню гьалым нечакъы да яхшы.

Биз янгыз оьзюбюзню ва савлугъубузну гьайын этсек болмай. Биз оьмюрге баргъанланы ва оьсюп гелеген наслубузну гьайын да этмеге тарыкъбыз. Шо саялы да, районну халкъын коронавирус аврувгъа къаршы вакцинаны этдирмеге ва оьзлени къаркъарасын ва савлугъун сакъламагъа чакъыраман!», — дей оьзюню сёзюнде муаллим Исбаният Алиева.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

5