Масъалагъа гёре ...
Алдагъы гюн Къарабудагъгент район администрацияда районну ичинде электрик токгъа майнинг-фермалар къошгъан адамланы арагъа чыгъармакъ учун район комиссияны жыйыныны оьтгерилди.
Жыйында районну башчысыны биринчи орунбасары Ибрагьим Абдулмежитов, районну башчысыны орунбасары Магьамматгьанипа Зугьумов, Росияны ОМВД-ни Къарабудагъгент район бёлюгюню ёлбашчысы Герей Герев, Къарабудагъгент РЭС-ни ёлбашчысы Залибек Гьарумов, депутатланы район жыйынын председатели Адил Салаватов, яшёрюмлени парламентини председатели Абубакар Къаранаев, районну жамият Советини председатели Абдулгьамит Мамагишиев, Къарабудагъгент юртну башчысы Магьамматсолтан Гьасанов ортакъчылыкъ этди.
Жыйынны ачгъан ва юрютген районну башчысы Магьмут Амиралиев ток масъаланы гьакъында булай деди: «Токланы, ярыкъланы къайтарыв масъала бек итти токътагъан, биз гьали тезликде шогъар гёре чаралар гёрмесек, гележекде дагъы да яман болажагъы ачыкъ. Адамлар ахшамлар къарангы уьйде къалагъанындан къайры да, халкъны кёп яныны уьйлериндеги иссилик болдурагъан алатлары да ток булан ишлей. Ток къайтгъанда, олар да къайта, уьйлери сувукъ бола. Олай къойма ярамай!
Бир жуманы ичинде районну ватандашларына майнинг-фермаларын къайтарыгъыз деп билдирме тарыкъ. Дагъы итнигюнден башлап рейдлер оьтгерип, майнинг-фермаларыны тогун къайтармагъанланы арагъа чыгъарма герекбиз».
Жыйынны барышында ток теллеге лап да кёп гюч болагъан участкаланы гьакъында ва тергевлер не низамда оьтгерилежеги гьакъда айтылды. Рейд ишлени шолардан башлама гереген де М.Амиралиев эсгерди.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
