Алдынлыкъны алгъан
Ноябр айны 19-нда Магьачкъала шагьарда «Права человека глазами ребёнка» деген республика конкурсну финал этабы оьтгерилген.
Шо конкурсда ортакъчылыкъ этген Къарабудагъгент 3 номерли орта школаны 9-нчу класыны охувчусу Гьалимат Османова 8-9-нчу класланы охувчуларыны арасында 1-нчи ерни алгъан.
Чараны ДР-ни ватандашларыны ихтиярларын якълайгъан уполномоченныйы ДР-ни билим берив ва юстиция министерликлерини кёмеги булан оьтгерилген.
Бу йыл шо чара 14-нчю керен оьтгерилген. Конкурсну муниципал этабында 1872 охувчу ортакъчылыкъ этген.
Конкурс уьч этап булан юрюлген, шоларда республиканы 5-11-нчи класларыны охувчулары ортакъчылыгъын болдургъан. Ярымфиналгъа 392 охувчу чыкъгъан, оланы 12-си финалгъа етишген. Конкурсну ортакъчылары алдын ерли гёрсетилген плангъа гёре ахтарыв ва яратывчулукъ проектлер гьазирлеген. Проектлер яшланы ихтиярларын якълавгъа, оланы борчларына, наркотиклеге къаршы иш юрютювге ва башгъа масъалалагъа багъышланып гьазирленме тапшурулгъан болгъан.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.