Яхшылыкъ ва рагьмулулукъ болма тарыкъ…
Къарабудагъгент Баш китапханада ноябр айны 16-нда «Толерантность деген сёзню маънасын билемисиз?» деген маълумат сагьат оьтгерилди.
Чарада Къарабудагъгент 3 номерли орта школаны охувчулары ортакъчылыкъ этди. Баш китапханачы А.Пашаева оьзюню гиришив сёзюнде адамланы, ювукъ къурдашланы, агьлюдегилени, охувчуланы, наслуланы арасында бир-биревге рагьмулулукъ, чыдамлыкъ, абур этив, бир-биревню англайгъанлыкъ болма тарыгъы гьакъда айтды.
- Гьар адамда яхшылыкъ, рагьмулулукъ, илиякълыкъ хасиятлар болма герек. Халкъ айтывунда айтылагъан кюйде: «Яшав яхшы ишлер этсин деп берилген». Яхшылыкъ этмеге алгъасагъыз. Сав оьмюрюгюзню шогъар багъышлагъыз, — дей ол оьзюню сёйлевюнде.
Охувчулар «толерантность» деген сёзню маънасы ва гелмеклигини тарихи булан таныш болду. Олар яхшылыкъ, сююв ва рагьму гьакъда айтылгъан хабаргъа тынгладылар. Темагъа гёре охувчулар да оьзлени ойларын айтдылар.
Яхшылыкъны ва рагьмулулукъну гьакъында охувчулар шиърулар охуду. Сонг олар оьзлер этеген, этме болагъан яхшы ишлени гьакъында хабарлады, «Яхшымы яда яманмы?!» деген оюнну ойнадылар. Олай да, охувчулар «толерантлы» адамны нечик хасиятлары болмагъа герегин чечекни япыракъларына (лепестки) язагъан оюнну оьтгерди. Гьар охувчу оьзю билеген яхшы хасиятны язып, чечекни япыракъларын ябушдура эди.
Чара «Возьмёмся за руки, друзья!» деген оюн булан узатылды.
Чараны тамамлай туруп, охувчулар учун оларда «толерантность» хасияты барын яда ёгъун аян этеген тестлер толтурув тапшурув оьтгерилди.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
