Меню
16+

Сетевое издание "Району яшаву"  «Будни района»

08.10.2021 10:52 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

«Сизге уллу гьюрмет булан…»

Автор: Нюрсагьадат Изамутдинова

Октябр айны 1-нде «Къарабудагъгент район» муниципал районну маданият ва туризм бёлюгюню ва Къарабудагъгент районну КЦСОН къурумуну къуллукъчулары бирче «С поклоном к возрасту» деген баш булан Оьмюрге баргъанланы халкъара гюнюне багъышлангъан чара оьтгерди. Къарабудагъгент район китапхананы къуллукъчулары чара оьтгерилеген залны ярыкъ кюйде безеп, бек арив онгарып гьазирлеген эди.

Чара районну адатлангъан маданият Центрында ишни ветеранларыны, юрт хозяйство тармакъда кёп йыллар ишлегенлени, муаллимлени ортакъчылыгъы булан оьтдю. Чарада ортакъчылыкъ этген районну башчысыны орунбасары Жалалутдин Жамалутдинов оьмюрге баргъанланы байрам гюню булан къутлады.

-Сизге ва сизин агьлюгюздегилеге къатты савлукъ, насип, кёп яхшылыкълар, сююв, ювукъларыгъызны ягъындан рагьмулулукъ ва гьар гюнлюк тергев ёрайман.

Сизин гьар даим яшларыгъызны сюювю, иссивю, гьай этивю къуршасын, яшларыгъызны яшларыны шат кюлкюлери, насипли бетлери сизин гьар мюгьлетигизни шатлыкъдан толтурсун! Олар сизге гьар заман уллу гьюрмет булан янашсын! – деди ол.

Къонакълагъа районну адатлангъан Центрыны йыравлары, олай да Къарабудагъгент 1 ва 3 номерли орта школаланы охувчулары оьзлени концерт программасын гёрсетди.

Олар йырлагъан гьар тюрлю йылланы халкъ ва эстрада йырлары, охугъан шиърулары ва бийивлери чакъырылып гелген оьмюрге баргъан къонакъланы бек рази къалдырды.

Чараны барышында «Къарабудагъгент район» муниципал районну башчысы Магьмут Амиралиевни тапшурувун яшавгъа чыгъара туруп, маданият ва туризм бёлюкню ёлбашчысы Найида Мурзаева чарагъа чакъырылгъан оьмюрге баргъанлагъа савгъат пакетлер тапшурду.

Чараны тамамлай туруп, Н. Мурзаева: «Чагъына гелген оьмюр – о яшавну гюзю йимик, гюзде табиат кёп тюрлю ва бай боявлар булан безене. Бизин уллуларыбыз да шолай. Олар яшавну гёрген, бай сынаву, оьзтерече къараву булангъы адамлар. Тек биз бизин уллуларыбызны яхшы савлугъу болса да, олар бар затгъа етише, гишиге харлы болмаса да, олагъа бизин тергевюбюз де, гьай этивюбюз де тарыкъ экенин билме ва эсде сакълама тарыкъбыз! Биз олагъа уьй ишлерде, айланышларда кёмеклешме, чакъда-чакъда барма, телефон сёйлеме, савгъатлар берме, оланы гьайын этме, сюйме тарыкъбыз! Социал идараланы къуллукъчуларына да шолай пайдалы ишлер этегени саялы, баракалла билдиремен», – деди.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

4