Меню
16+

Сетевое издание "Району яшаву"  «Будни района»

08.10.2021 10:30 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Охувчуну юрегине ёл тапгъан

Артдагъы вакътилерде ана тил дарсланы юрютеген муаллимлеге талаплар гюн сайын арта бара. Охувчуланы ана тилге ва адабиятгьа сюювюн болдурмакъ учун муаллим дарсын къужурлу болардай къурмагъа ва оьтгермеге герек.

Къарабудагъгент 3 номерли орта школада ишлейген ана тил дарсланы муаллими Написат Сайитова – ишин оьр даражада оьтгермеге, охувчуланы дарсгъа иштагьын гётермеге бажарагъан муаллим. Ол оьзю школада ишлейген йылланы ичинде охувчуланы сюювюн де, ата- ананы ва коллективини арасында абур да къазангъан. Н.Сайитова дарс­ларда янгы къайдаланы генг кюйде къоллай, оланы къоллав дарсларда айрыча пайдалы экенни эсгере. Ол гьар даим оьзюню билимлерин камиллешдирмек ва генглешдирмек учун чалыша, сынав-эксперимент ишлеге де кёп тергев бере.

Билим берив тармакъда уьстюнлюклеге етишгенлени ишлерин ахтара, конференция, практикум, оюн, яратывчулукъ усталыкъ къайдаланы къоллай. Ишлеген йылларыны узагъында ол кёп санавда уьстюнлю методика материаллар жыйгъан ва оланы сынавда къоллай. Гьар охувчугъа янашып билеген муаллим, тарыкъ болса, охувчуну якълап да, кёмегин этип де, тынглап да, насигьат берип де бола.

Оьзюню дарсларында Н.Сайи­това видеопроектор, видеомагнитофон алатланы кёп къоллай, охувчуланы милли адатларыбыз булан таныш этмек муратда, алдынгъы милли макъамларыбызгъа, йырлагъа тынглата. Ол оьтгереген ачыкъ дарслар, чаралар видеокамералагьа алынып, сонг анализ этилине. Шолай ­дарслар, охувчуланы камерадан тартынмайгъан эте, олар аудиторияны алдында сёйлеме, ­оьзлени пикруларын айтма уьйрене. Оьзюню охувчуларын Написат Сайитова илму-ахтарыв ишлеге къуршай, демек, билим берив тармакъдагъы алмашыныв­лагъа, янгылыкълагъа олар ­енгил къуршала.

Н.Сайитованы адатланмагъан къайдаларда оьтгерилеген дарслары охувчулагъа терен билимлер алмагъа кёмек эте. Ону охувчулары район ярышларда, олимпиадаларда, тюрлю конкурсларда ортакъчылыкъ эте ва алдынлы ерлени ала. Ишинде етишген уьстюнлюклери саялы Н.Сайитова район администрацияны ва билим берив управлениени ягъындан гьюрметлев грамоталар булан савгъатлангъан. Огъар «ДР-ни билим беривюню отличниги» деген ат берилген. Н.Сайитовагъа гьар охувчуну юрегине ёл табып болагъан муаллим деп айтмагъа ярай. Мен ону Муаллимни гюню булан къутлап, огъар узакъ оьмюр, къатты савлукъ, насип, парахатлыкъ ва гележекде оьзю сююп сайлагъан касбусунда уьстюнлюклер ёрайман.

А.Мамаева, билим берив управлениени алдынлы касбучусу

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

5