Шаирни яратывчулугъу
Октябр айны 13-нде Дёргели юрт китапханада дагъыстан поэзияны классиги Йырчы Къазакъны яшавуна ва яратывчулугъуна багъышлангъан чара оьтгерилди.
Юрт китапхананы ёлбашчысы Айшат Изиева чараны аслу мурады гьакъда хабарлады ва Йырчы Къазакъны яратывчулугъуна багъышлангъан китап ва газет выставка булан жыйылгъанланы таныш этди.
Сонг сёйлеген Дёргели 2 номерли орта школаны муаллимлери Марипат Насухова, Асият Келеметова, 1 номерли орта школаны муаллими Зулейха Изиева шаирни яшав ёллары ва яратывчулугъу гьакъда хабарлады.
Сёз берилген юрт китапхананы охувчулары шо хабарлавланы узата туруп, шаирни шиъруларын гёнгюнден охудулар. Йырчы Къазакъны «Эренлеге эмсиз гюнлер кёп болур», «Дюньялар башгъа айланса сюебиз», «Бары да зат бар Къазакъны эсинде…», «Кёклеге тик улуй гетген окъ йимик», «Асхар тав, сенден бийик тав болмас», «Биченлик», «Бешик ортакъ» деген ва башгъа шиъруларын охувчулар Мадина Атаева, Хадижат Муталимова, Сакинат Гьюсенова, Патимат Хамутдаева, Сапият Салаватова бек арив чебер кюйде охудулар.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
